13-Tema. Interaktiv usillardi texnologiya sabaqlarinda paydalaniw usılları Reje

13-Tema. Interaktiv usillardi texnologiya sabaqlarinda paydalaniw usılları
Reje:

1. 
   Interaktiv tálim texnologiyalarınıń didaktikalıq ahmiyeti.
   
2. 
   Texnologiya sabaqlarında interaktiv tálim metodlarınan paydalanıw tártibi.
   
3. 
   «Aqılıy hújim» metodı, klaster metodı.
   
4. 
   «Qararlar shejeresi (qararlar qabıl etiw texnologiyası) metodı, «Venn diagramması», PSMU metodı.
   

Tayanısh túsinikleri: interaktiv tálim, didaktika, aqılıy hújim, klaster, qararlar shejeresi, Venn diagramması, PSMU metodı.

Házirgi waqıtta tálim procesinde oqıtıwdıń zamanagóy metodları keń qollanılmaqta. Oqıtıwdıń zamanagóy metodların qollaw oqıtıw procesinde procesinde jokarı natiyjelilikke erisiuge alıp keledi. Bul metodlardı hár bir sabaqtıń didaktik wazıypasınan kelip shıǵıp tańlaw maqsetke muwapıq. Dástúriy sabaq formasın saqlap qalǵan halda onı tálim alıwshılar iskerligin túrlishe metodlar menen bayıtıw tálim alıwshılardıń ózlestiriw dárejesi ósiwine alıp keledi.

Búgińi kúnde bir qatar rawajlanǵan mámleketlerde tálim-tárbiya procesiniń nátiyjeliligin kepillewshi zamanagóy pedogogikalıq texnologiyalardı qollaw barısında úlken tájiriybe tiykarların qurawshı metodlar interaktiv metodlar atı menen júritilmekte. Interaktiv tálim metodları házirde eń kóp tarqalǵan hám barlıq túrdegi tálim orınlarında keń qollanılatuǵın metodlardan esaplanadı. Sonın menen birge, interaktiv tálim metodlarınıń túrleri kóp bolıp, tálim-tarbiya procesiniń derlik barlıq wazıypaların ámelge asırıw ushın sáykesleri házirde bar. Ámeliyatta olardan belgili maqsetler ushın sáykeslerin ajıratıp tiyislisinshe qollanıw múmkin. Bul jaǵday házirde interaktiv tálim metodların belgili maqsette ámelge asırıw ushın tuwrı tańlaw mashqalasın keltirip shıǵaradı.
Bunın ushın sabaq procesi durıs shólkemlestiriliwi, tálim beriwshiler tárepinen tálim alıwshılardıń qızıǵıwın arttırıp, olardıń tálim procesinde belsendiligi marapatlandırılıp turılıwı, oqıw materialın kishi-kishi bóleklerge bólip, olardıń mazmunın ashıwda aqılıy hújim, kishi toparlarda islew, pikir talas, mashqalalı jaǵday, baǵdarlawshı tekst, rejeli, rolli oyınlar sıyaqlı metodlardı qollaw hám tálim alıwshılardı ámeliy shınıǵıwlardı jeke ozi orınlaw talap etiledi.
Interaktiv metod qanday da bir iskerlik yaki mashqalanı óz-ara sáwbetlesip, pikir talas tiykarında, birgelikte sheshiwden ibarat. Bul usıldıń abzallıǵı sonda, barlıq iskerlik oqıwshı-talabanı erkin pikirlewge úyretip, jeke ómirge tayarlaydı.
Oqıtıwdıń interaktiv usılların tańlawda tálim maqseti, tálim alıwshılardıń sanı yaki imkaniyatları, oqıw ornının oqıw-materiallıq jaǵdayı, tálimnin izbe-izligi, oqıtıwshınıń pedagogikalıq sheberligi hám basqalar itibarǵa alınadı.