13-Tema. Interaktiv usillardi texnologiya sabaqlarinda paydalaniw usılları Reje

Interaktiv metodlar degende – tálim alıwshını aktivlestiriwshi hám óz betinshe pikirlewge úndewshi, tálim procesiniń orayında tálim alıwshı bolǵan metodlar túsiniledi.
Bul metodlar qollanǵanda tálim beriwshi menen tálim alıwshını belsene iskerlik etiwge shaqıradı. Tálim alıwshı pútkil process barısında qatnasadı. Tálim alıwshı orayında bolǵan jandasıwdıń paydalı tárepleri tómendegilerden ibarat:
- tálim nátiyjeliligi joqarı bolǵan oqıw-úyreniw;
- tálim alıwshının joqarı dárejede marapatlanıwı;
- aldıńǵı alınǵan bilimlerdin de itibarǵa alınıwı;
- tálim procesi tálim alıwshınıń maqset hám zárúrliklerine muwapıqlastırılıuı;
- tálim alıwshınıń juwapkershiliginiń qollap-quwatlanıwı;
- ámelde orınlaw arqalı úyreniliwi.
Solay etip, pánlerdi oqıtıw procesinde interaktiv metodlardan paydalanıw ózine say ózgesheliklerge iye. Tálim ámeliyatta paydalanılıp atırǵan hár bir interaktiv metodtı tereńlestirip úyreniw hám ámelde qollaw oqıwshı-talabanıń pikirlewin keńeyttiredi hám mashqalanıń tuwrı sheshimin tabıwǵa jaqsı tásir kórsetedi. Oqıwshı – talabanıń dóretiwshiligi hám belsendiligin arttıradı. Túrli teoriyalıq hám ámeliy mashqalalar interaktiv metodlar arqalı talqılanǵanda oqıwshı-talabanıń bilim, kónlikpe, uqıplılıqları keńeyiwi hám tereńlesiwine erisiledi.
Joqarıda aytılǵanlardan interaktiv metodlardı tiyislisinshe talqılaw hám usı tiykarda olardı bólistiriw zárúrligi payda boladı. Tómende usı máseleler boyınsha ulıwma pikirlerdi keltiremiz:
Bul metodlardı bólistiriwde olardı interaktiv metodlar, interaktiv tálim strategiyaları, interaktiv grafik organayzerlerge ajıratıw múmkin.
Házirgi kúnde eń kóp qollanılatuǵın interaktiv metodlar tómendegiler esaplanadı:

1. 
   Interaktiv metodlar. «Keys stadı» (yaki «Oqıw keysleri»), «Blic soraw», «Modellestiriw», «Dóretiwshilik jumıs», «Mashqalalı tálim» hám t.b.
   
2. 
   Interaktiv tálim strategiyaları. «Aqılıy hújim», «Bumerań», «Galereya», «Zig-zag», «Teksheme-tekshe», «Muzjarar», «Rotastiya», «Domalaqlanǵan qar» xam t.b. Interaktiv tálim metodları quramınan interaktiv tálim strategiyaların ajıratıwda topar jumısın shólkemlestiriwge jandasıw belgili mánide strategik jandasıwǵa salıstırıwına tiykarlanadı. Tiykarında bul strategiyalar da kópshilik tárepinen interaktiv tálim metodlarına tiyisli bolıp, olardıń arasında basqa parqları joq.
   
3.