13-мавзу. Саноат ишлаб чиқаришида баҳо ва баҳолаш

Максимал баҳо (сотувчи нуқтаи назаридан) ─ бу музокараларни шу баҳодан бошлаш мумкин бўлган кўрсаткичидир.

Минимал баҳо (қўйилиши мумкин бўлган энг пастбаҳо) ─ бу товар нархининг шундай кўрсаткичики, тадбиркор музокаралар давомида ундан тушмасликка ҳаракат қилади.

Объектив баҳо ─ бу таркибида ўртача сифат кўрсаткичларига эга бўлган у ёки бу товарнинг ўртача баҳосидир.

21.Корхона (фирма)ларнинг нарх стратегияси

Баҳонинг иқтисодиётдаги ўрни беқиёс бўлганидан унинг ҳар бир туридан оқилона фойдаланиш тадбиркорлик учун муҳим аҳамиятга эга. Корхона (фирма)лар ўзларининг нарх стратегиясини ишлаб чиқишда қуйидаги мақсадларни кўзлайдилар:

• товар сотишни кўпайтириш;
• кўпроқ фойда олиш;
• ўрнини муайян мавқеъини сақлаб қолиш.

Товар сотишни кўпайтиришдан учта натижа кутилади:

• товар сотишни кўпайтириш орқали бозорда ўз ҳиссасини ошириш, имкон бўлганда бозорни ўз назоратига олиш;
• ҳар бир товарни (товар бирлигини) сотишдан тушадиган фойданинг камайишига рози бўлган ҳолда товарларни кўплаб сотиш орқали катадиган ялпи фойдани ошириш;
• товарни кўп сотиш натижасида унинг ҳажмига нисбатан савдо-сотиқ харажатларини қисқартириш.