13 мавзу. Дастгоҳлар

Лобовой токарлик станоклари габарит ўлчами катта вазнли заготовкалар, жумладан маховиклар, шкивлар, дискларни кесиб ишлашга
мўлжалланган. Бу станокларда кетинги бабка бўлмайди, уларнинг марказлари баланд бўлади (291-расм).



13.2-раем. Лобовой токарлик станоги: 1 - олд бабка; 2 -планшайба; 3 - кўндаланг станина; 4 - устки салазка; 5 - кескич тутқич

Заготовка планш айбага маҳкамланади. Кўндаланг станина олд бабка билан боғлиқ бўлмаган ҳолда айрим плитага ўрнатилган. Юқориги салазка кескич тутқич билан бирга, суппорт кареткасига ўрнатилган бўлиб, буриш плитаси йўналтирувчилари бўйлаб сурилади. Планшайбанинг диаметри 1000 мм дан 4000 мм гача. Бу станокларнинг асосий камчилиги шундан иборатки, уларга оғир заготовкаларни ўрнатиш ва уларнинг қанчалик тўғри ўрнатилганлигини текшириб кўриш қийин. Бундан ташқари, шпинделнинг деформацияланиши оқибатида ишлов аниқлиги пасаяди.

Токарлик карусель станоклари. Бу станокларда план шайбага ўрнатилган заготовканинг айлантирувчи ўқи вертикал ўрнатилганлиги сабабли лобовой токарлик станокларидаги айрим камчиликлардан ҳоли
бўлади. Бу станокларда габарит ўлчами катта ва оғир вазнли заготовкаларни
йўниб ишлашдан ташқари пармалаш, зенкерлаш, резьбалар ишлаш ҳам мумкин.
Карусель станогининг столи горизонтал текисликда жойлашган
бўлиб, вертикал ўкда айланади. Карусель станоклари бир стойкали
(ишланувчи заготовканинг диаметри 2000 мм гача) ва икки стойкали
(ишланувчи заготовканинг диаметри 2000 мм дан катта) бўлади. Бу
станокларда 2 - 4 та суппорт бўлади (13.3-расм).

13.3-расм . Карусель станоги: 1— вертикал стойка; 2 —траверса; 3 — горизонта суппорт карсткаси; 4 —бурилувчи кескич тутқич; 5 —суппорт учун вертикал стойка йўналтирувчилари; 6 —суппортнинг кескич тутқичи


Токарлик револьвер станоклари. Токарлик револьвер станогининг
токарлик станогидан фарқи шундаки, унинг кетинги бабкаси бўлмайди, бабка ўрнига револьвер каллаги ва бўйлама суппорти бўлади. Унинг суппорти суриш қутисидан юргизиш вали ва фартук орқали бўйлама ҳаракатланади. Бу станокда чивиқ заготовкалардан деталлар тайёрлаш учун уни шпинделнинг тешигидан ўтқазиб, цангали патрон билан сиқилади. Бу станок ҳар хил кесиш асбоблари (кескич, парма, зенкер, метчик ва бошқалар) билан турли токарлик ишларини бир ўрнатишда бажаришга имкон беради.