13 мавзу. Дастгоҳлар

Гидравлик юритмалар. Уларнинг механик юритмаларга қараганда
афзалликлари шундан иборатки, улар айланишлар сонини кенг диапазонда поғонасиз ростлайди, иш органларининг бир текис юришини таъминлайди.
Гидравлик юритмалар тўғри чизиқли ва айланма ҳаракатни ҳамда
тўғри чизиқли суриш ҳаракатини, шунингдек, ёрдамчи ҳафакатларни
амалга ошириш учун ишлатилади. Гидравлик юритмалардан жилвирлаш,
фрезалаш, протяжкалаш станокларида фойдаланилади. Айланма харакат узатадиган гидравлик юритманинг ишлаш схемаси 265-расмда кўрсатилган. Электр двигатель 1 насос 2 нинг роторини тасмали узатма воситасида айлантириб, трубопровод орқали гидравлик двигатель 4нинг статорига резервуардан мой ҳайдайди. Мой гидравлик двигателнинг роторига ўтиб, уни айлантиради. Босим ҳисобий босимдан катта бўлса, мойнинг ортиқчаси клапан орқали резервуарга тушади. Ишлатилган мой гидравлик двигателдан резервуарга қайтиб келади. Манометр 6 мойнинг тизимдаги босимини кўрсатиб туради. Гидравлик двигатель роторнинг айланиш лар сони вақт бирлиги ичида ҳайдаладиган мой миқдорини ўзгартириш йўли билан ростланади.
Юритмаларда айланишлар сонини ёки юришлар қийматини поғонасиз
ростлаш учун икки, уч ва тўрт тезликли ўзгарувчан ток двигателларидан фойдаланилади. Улар ёрдамида айланишлар сонини ростлашда ток частотаси ўзгартирилади. Ўзгармас токда ишлайдиган электр двигателлардан


13.2-расм . Гидравлик юритманинг ишлаш схемаси:
1 - электр двигатель; 2 - насос; 3 - резервуар; 4 - гидравлик двигатель;
5 - трубка; 6 - манометр

фойдаланилганда айланишлар сони занжирга уланган реостат ёрдамида ток кучини ўзгартириш билан ростланади. Айланишлар сонини ростлаш диапазони С = З…..5 бўлади.

13.3.Токарлик станоклари ва уларда бажариладиган ишлар.

Маълумки, станокларн ингтокарлик гуруҳига оддий, винт қирқиш, лобовой, карусель, револьвер, яримавтомат ва автомат ҳамда бошқа станоклар киради.
Бу станокларда доира шаклидаги заготовкаларнинг сиртқи ва ички
юзаларини кесиб ишлаш натижасида уларга цилиндрик, конус ҳамда
шаклдор кўриниш берилади ва бошқа қатор ишлар бажарилади. Бу гуруҳга кирувчи станокларнинг айримлари билан танишиб чиқамиз.