13-маъруза. Чақиқ тош ишаб чиқариш технологияси. Чақиқ тошга қўйиладиган техник талаблар. Чақиқ тошни бойитиш

Расм-7.6.Отқинди жинсларни қайта ишловчи автоматлашган майдалаш линияси САДЛ-И-400 схемаси:
1-пластик таъминловчили бункер; 2-жағли майдалагич ШПД-9х12 ёрдамида йирик майдалаш; 3-лентали стационар конвейрлар; 4-конусли майдалагич КСД-1750Гр ёрдамида ўртача майдалаш; 5- конусли майдалагич КСД-1750Гр ёрдамида ўта майдалаш; 6-иккита инерцион ғалвирлар ГИС-62 дан иборат навларга ажратиш қурилмаси; 7-спирал классификаторли КСН-15 ювиш қурилмаси; 8-бункер-омборлар; 9-дастлабки бункер-омбор; 10-штабелга жойлаштирувчи-конвейрлар.

Расм-7.7. Ҳаракатланувчи майдалаш-навларга ажратиш ускунаси ПДСУ-85:
1-таъминловчи билан биргаликда қабул бункери; 2-йириклаштириб майдалаш ускунаси; 3- ўртача майдалаш ускунаси; 4-навларга ажратиш ускунаси; 5- ўта майдалаш ускунаси; 6-лентали конвейрлар; 7-бошқарув тугмаси ускунаси.
Расм-7.8. Шағал-қумни қайта ишлаш корхонаси:
1- дастлабки майдалаш бўлими корпуси; 2- иккинчи ва учинчи босқичли майдалаш бўлимининг корпуси; 3- ювиш ва навларга ажратиш бўлимининг корпуси; 4- бойитилган қум олиш цехи; 5- темир-йўл транспортига шағал ва чақиқ тошни юклаш бункери; 6- шағал ва чақиқ тош омбори; 7- бойитилган қум омбори; 8- темир-йўл транспортига шағални юклаш бункери; 9- шағал омбори; 10- карьерга кирувчи темир-йўл тармоғи.

Чақиқ тош тоғ жинсларини майдалаб олинади. Чақиқ тош юқори мустаҳкамликдаги бетонлар учун сифатли йирик тўлдирувчи ҳисобланади. Чақиқ тош олишда асосий хомашё сифатида отқинди тоғ жинслари гранит, габбро, диабаз, базалт; карбонат чўкинди тоғ жинслари- оҳактош ва доломитлар ишлатилади.

Темир-бетон маҳсулотлари заводининг тўлдирувчи сақланадиган омборхоналари ҳар хил турда бўлиши, тўлдирувчини ташувчи транспорт тури, қабул қилиш усули, сақланиш ва узатишга боғлиқ. Тўлдирувчини омборхонага жойлаш, сақлаш усулига қараб омборхоналар очиқ ва ёпиқ кўринишда бўлиши мумкин: штабелли, силосли, яримбункерли.
Тўлдирувчиларни омборхонада сақлаш уларни турига қараб, фракцияси ва ҳажмига ёки бўлувчи деворларининг жойланишига қараб бажарилади. Очиқ омборхоналар камчилиги, бу сақланадиган маҳсулотнинг нам тортиши, ташқи чиқиндилар билан ифлосланиб қолишидир. Бундан ташқари тўлдирувчини штабелда сақлашда омборхонада гусеницали булдозер билан материалларни суришда йирик тўлдирувчини майдалаб юбориши ва уни ифлослантириши мумкин.