13. Лекция кк этнологтя 2-к

TEMA: Etnologiya iliminin` mashqalalari ha`m tiykarg`i mektepleri. 

REJE: 

1. Etnologiyanin` tiykarg`i bag`dari ha`m mektepleri. 

2. Dun`ya xaliqlari, O`zbek ha`m Qaraqalpaqlardin` da`stu`riy xojalig`i tu`rleri ha`m olardin` 

xizmetleri.  

3. Diyxanshiliq xojalig`i ha`m diyxanshiliq ma`deniyati onin` tu`rleri. 

4. Sharwashiliq. Sharwashiliqtin` rawajlaniw basqishlari. Ko`shpeli sharwashiliq ma`deniyatinin` 

o`zine ta`n qa`siyetleri. 

5. Zu`ra`a`tshilik xojalig`i ha`m agrotexnika. 

 Tayanish tu`sinigi 

Dun`ya xaliqlari, O`zbek ha`m Qaraqalpaqlardin` da`stu`riy xojalig`i, Diyxanshiliq xojalig`i ha`m 

diyxanshiliq  ma`deniyati  onin`  tu`rleri,  sharwashiliq.  sharwashiliqtin`  rawajlaniw  basqishlari. 

Ko`shpeli  sharwashiliq  ma`deniyatinin`  o`zine  ta`n  qa`siyetleri,  zu`ra`a`tshilik  xojalig`i  ha`m 

agrotexnika, diyxanshiliq ma`resimleri,sharwashiliqqa baylanisli irim ha`m da`stu`rler. 

 

Adamzat  payda  bolg`annan  berli  uzaq  tariyxiy  da`wir  ishinde  tu`rli  ta`biyiy-geografik 

jag`daylarg`a maslasqan halda jasap kelmekte. 

  Adamlar  a`zelden  muzli  Arktikada  ha`m  sahranin`  issi  tropikaliq  shen`gelzarliqlarinda,  Tibet 

ha`m  Pamirdin`  biyik  tawliqlarinda,  tundra  ha`m  tayga  tog`aylarinda,  Aziya,  Avstraliya,  Afrika 

jerlerinde  jasap  kelgen.  Olar  da`slep  belgili  bir  ta`biyiy  sharayatqa  u`yrenisip  o`zlerinin`  miyneti 

arqasinda o`zlerine ta`n bolg`an xojaliq-ma`deniy tiplerin jaratiwg`a ma`jbu`r bolg`an. 

  Ta`biyattag`i  bar  bolg`an  ju`zlep  o`simlmk  tu`rlerin  adamzat  o`z  qa`bileti  ha`m  miyneti 

arqasinda  ta`biyg`iy  tu`rde  ma`deniylestirip,  awil  xojalig`i  o`nimine  aylandirip  kelgen.  Aqibetinde 

a`yyemgi da`wirlerden insan ushin za`ru`r bolg`an da`nli eginler payda bolg`an.