120. Бадиий гимнастикада ифодалилик

2.1.Mashqlarni klassifikatsiyasi

Halqa bilan bajariladigan harakatlarni 4 ta guruhga bo‘lamiz.

I-guruh - Tekis uloqtirishlar va aylantirishlar. Bu mashqlar halqa uning halqa tekisligiga perpendikulyar bo‘lgan markaziy o‘qiga nisbatan aylanishi bilan harakatini nazarda tutadi. Halqaning xususiy aylanishi bunday harakatlarning eng oddiy ko‘rinishi hisoblanadi hamda u orqa, yon va gorizontal tekisliklarda bajarilishi mumkin (67 - rasm). Aylanish bilan birgalikda bajariladigan halqaning yana bir harakat turi oyoqlarni baland ko‘tarib siltanish, uloqtirishlar bilan harakatlanish. Shu munosabat bilan aylanishsiz bajariladigan harakatlarning kichik mustaqil guruhini ajratish mumkin. Bunday turdagi uloqtirish harakatlari siltanish yoki depsinish orqali amalga oshirilishi mumkin. Tekis uloqtirishlarning uchinchi (eng murakkab) ko‘rinishi halqani yorqin ifodalangan holdagi siljishi va aylanishlarini o‘zida mujassamlashtiradi. Bu ko‘rinishdagi mashqlar orasida qo‘lda, oyoqda dastlabki aylanish yoki (oyoq yoki qo‘l bilan) depsinish bilan siltanib bajariladigan uloqtirish harakatlarini ajratib ko‘rsatish mumkin.

II-guruh – charxpalak. Eng sof ko‘rinishda bu harakatlar polda, qo‘llarda, gavdada bajariladigan tayanchli charxpalaklardan iborat bo‘ladi (68-rasm). Ikkinchi kichik guruh – tayanchsiz charxpalaklar – siltanish yoki depsinish bilan bajariladigan va keyinchalik diametral o‘q atrofida aylanish bog‘liq bo‘lgan harakatlar.