12-mavzu. Startaplarni moliyalashtirish

10.4. Startaplarni moliyalashtirish uchun onlayn-kreudfanding platformalar
Biznesni boshlar ekan, odamlar avvalo “Pulni qaerdan olish kerak?” degan savolga to‘qnash kelishadi. Bu erda variantlar etarli: oflayn aloqalar orqali investorni qidirib topishingiz, biznes inkubatorga borishingiz yoki venchur fondga murojaat qilishingiz mumkin. Eng dangasalar uchun hatto sotuvchilarni (startaplar) va xaridorlarni (investorlar) birlashtiradigan platformalar ham mavjud. Bu erda yuridik shaxsni ro‘yxatga olish kabi rasmiyatchiliklar ikkinchi darajaga tushib qoladi. Ko‘p hollarda, loyiha profilini to‘g‘ri loyihalashtirish va uni tasdiqlash uchun sayt ma’murlariga berish kifoya. Agar startap va investor bilan tanishish muvaffaqiyatli kechgan bo‘lsa, bitimlar odatiy tarzda tuziladi – kompaniyadagi ulushni onlayn sotish instrumentlari hozircha o‘ylab topilmagan.
Kickstarter. Ushbu platforma xayriya asosida ijodiy loyihalar uchun pul olish imkonini beradi. Bunda loyihalar turli-tumanligi bilan ajralib turishi mumkin. Kickstarter – bu allaqachon ko‘plab yirik loyihalarga yordam bergan birinchi platformalardandir.
Indiegogo. Kickstarterdan farqli o‘laroq, ushbu platforma ijodiy loyihalar bilan chegaralanmagan. Indiegogoda siz har qanday narsa uchun – sevimli mashg‘ulot, xayriya, startap yoki hatto shaxsiy moliyaviy ehtiyojlargacha pul to‘plashingiz mumkin. Ushbu platforma ham birinchilardan biri bo‘lib, hududiy yoki boshqa chegaralar mavjud emasligi tufayli tanilgan.
Crowdfunder.com. Ushbu platforma faqat investitsiyalar uchun mo‘ljallangan. U investorlar uchun eng tez o‘sayotgan va keng platformalardandir. Crowdfunder – investitsiya shartnomalari asosida moliyalashtirish uchun jiddiy platforma.
Rockethub. Ijodiy loyihalarni xayriya moliyalashtirishga asoslangan boshqa platforma. Rockethub qolgan barcha ishtirokchilardan FuelPad va LaunchPad dasturlari mavjudligi bilan ajralib turadi, ular barcha ishtirokchilarga natijaga erishish uchun bir-birlari bilan aloqa qilish va ma’lumot almashishga ko‘maklashadi.
Crowdrise. Agar siz xayr-ehson yoki boshqa ehtiyojlar uchun pul yig‘moqchi bo‘lsangiz, unda shunga murojaat qiling. Boshqa tashkilotlarning qancha pul to‘planganligini kuzatishga imkon beruvchi tizim ushbu platformaning o‘ziga xos xususiyati sanaladi.