12-mavzu. Kasbiy sohalar va ularning jamiyatdagi o‘rni. Informatika fanlarini kasbga yo‘naltirish Reja

2.Kasbiy sohalar klassifikatsiyasi, kasbiy faoliyatdagi axborotlarni olish imkoniyatlari. Klassifikator - oliy ma’lumotli kadrlar tayyorlash yo‘nalishlari va mutaxassisliklarining tizimlashtirilgan ro‘yxati. Unda oltita bilim sohasi nazarda tutilgan:
1. Gumanitar soha.
2. Ijtimoiy soha, iqtisod va huquq.
3. Ishlab chiqarish va texnik soha.
4. Qishloq va suv xo‘jaligi.
5. Sog‘liqni saqlash va ijtimoiy ta’minot.
6. Xizmatlar sohasi.
Klassifikatorda ta’lim bosqichlari, bilim va ta’lim sohalari, ta’lim yo‘nalishlari va mutaxassisliklari yettita raqamli kod bilan belgilanadi.

Ta’limning xalqaro standart klassifikatsiyasiga binoan ta’lim bosqichlari bakalavriat yo‘nalishlarida 5 raqami, magistratura mutaxassisliklarida — 5A (raqam va harf) bilan belgilangan. Gumanitar soha -100000, Ijtimoiy soha, iqtisod va huquq -200 000 va h.k., xizmatlar sohasi -600000 bilan boshlanadi (11.1-jadval).

Bilim va ta’lim sohalari bo’yicha klassifikator jadvali 11.1-jadval

Yo‘nalish - 5-bosqichning o‘quv rejalar va fanlar dasturi bo‘yicha oliy ta’lim muassasasi bitiruvchisi tomonidan egallangan va beriladigan «bakalavr» akademik darajasi doirasida kasb faoliyatining muayyan turini bajarishni ta’minlovchi bazaviy va fundamental bilimlar, uquvlar va ko‘nikmalar kompleksi.
Mutaxassislik - 5A-bosqichning o‘quv rejalar va fanlar dasturi bo‘yicha oliy ta’lim muassasasi bitiruvchisi tomonidan egallangan va beriladigan «magistr» akademik darajasi doirasida kasb faoliyatining muayyan turini bajarishni ta’minlovchi muayyan mutaxassislik bo‘yicha bilimlar, uquvlar va ko‘nikmalar kompleksi.
Kasbiy faoliyatdagi axborotlarni olish imkoniyatlari. Axborotlarni olish turiga ko'ra tasnifi quyidagi diagrammada keltirilgan (11.2-rasm).

11.2 - rasm. Axborotlarni olish


Cheklash mumkin bo’lmagan axborotlar: inson va fuqaroning huquqlari, erkinliklari va burchlariga, tashkilotlarning huquqiy maqomini va davlat organlari, mahalliy davlat hokimiyati vakolatlarini belgilovchi normativ-huquqiy hujjatlar haqidagi, ekologik , davlat organlari va mahalliy o‘zini o‘zi boshqarish organlari faoliyati to‘g‘risidagi axborotlar, kutubxonalar, muzeylar va arxivlarning ochiq to‘plamlarida, davlat axborot tizimlarida to'plangan axborotlar.