12-mavzu. Ish haqi va mehnat munosabatlari

Ma’ruza mashg‘ulotining texnologik kartasi

Bosqichlar, vaqti	Faoliyat mazmuni
	o‘qituvchi	o‘quvchi
1-bosqich. Kirish (5 min.)	1.1. Mavzu, maqsad, o‘quv mashg‘ulotining natijalari va mashg‘ulot rejasini ma’lum qiladi. 1.2. O‘quvchilarga juftlikda ishlashni – o‘ylashni va mazkur darsning xususiyatiga, uning muammolariga e’tibor qaratishni taklif etadi.	YOzadilar. Topshiriqni bajaradilar.
2-bosqich. Asosiy (60 min.)	2.1. O‘quvchilar bilimini faollashtirish maqsadida blits-so‘rov o‘tkazadi. Quyidagi savollar bilan murojaat qiladi. -daromad olishning qanday yo‘llarini bilasiz? -uning miqdori nimaga bog‘liq? -daromad hammaga teng taqsimlanish kerak, degan nuqtai nazarga qanday qaraysiz? 2.2. Bu va boshqa savollarga javob topish maqsadida ish haqining o‘zi nima, uning qanday turlari, tizimi bor, degan savollarni atroflicha yoritib beradi. Daromadning taqsimlanish borasida Sey va Klark nazariyalarini solishtiradi. T-sxema orqali ifodalaydi. 2.3. Asosiy tushunchalarga izoh bergandan keyin, ish haqi bilan bog‘liq muammolarni ilgari suradi, quyidagi savollarni o‘ylab ko‘rishni taklif etadi. -ish haqini mehnat haqi desa bo‘ladimi? -ish haqining miqdori qancha bo‘lishi kerak? -ishchi kuchi tovar bo‘lsa, uning qiymati va iste’mol qiymati nimadan iborat? -yollanma mehnat qanday sharoitda vujudga keladi? “Aqliy hujum” texnikasini qo‘llagan holda munozarani tashkil etadi. Javoblar ichidan eng optimal variantlari olinadi. 2.4. Ish haqi bilan bog‘liq muammolarning hal qilinishida mehnat munosabatlarining ahamiyatini yoritib beradi. Mehnat shartnomalari, mehnat nizolari, ishchi kuchiga bo‘lgan talab va taklif, kasaba uyushmalari tushunchalariga izoh beradi.	Eshitadilar, javob beradilar. YOzadilar. YOzadilar, o‘ylab munozaraga tayyorlanadilar. O‘z fikrlarini bildiradilar. Eshitib, yozib oladilar
3-bosqich. YAkuniy (15 min.)	3.1. Mashg‘ulotga yakun yasaydi, xulosalar chiqaradi. Munozara natijalarini e’lon qilib, faol ishtirokchilarni rag‘batlantiradi. Olingan bilimning kelajakdagi kasbiy faoliyatda ahamiyatini tushuntiradi. 3.2. Mustaqil ish uchun uyda quyidagi savollarga javob berishni topshiradi.	Eshitadilar. Savollar beradilar.