12-mavzu: Ekskursiya rahbari – gidga qo‘yilgan talablar

Hovlining ichki qismida. Zangi otaning otasi Tojxo‘ja, uning otasi Abdul Malik ota bo‘lib, ul zot o‘zining piri murshidi Mansur ota orqali Xo‘ja Axmad Yassaviyga borib taqaladi. Tojxo‘janing o‘zi ham hazrat Yassaviyning xizmatida bo‘lib, ul zotdan bevosita tasavvufiy-ma’naviy ta’limot va yo‘llanma olgan. Tojxo‘ja 1218-yilda vafot etgan.
Hazrati Arslonbobo avlodi hisoblangan Zangi ota Xo‘ja Axmad Yassaviyning beshinchi muridi Sulaymon Haqim ota Bakirg‘oniyning shogirdi hisoblangan.
Zangi ota xalq orasida cho‘ponlarning piri hisoblanib, manbalarda qayd etilishicha 1258-yilda vafot etgan. Uning qabri ustida Qur’oni Karimdan bir qancha oyatlar bilan bir qatorda uning vafot etgan yili ham ko‘rsatilgan.
Anbar bibi maqbarasi. Zangi ota majmuasidagi Anbar bibi yoki Anbar ona deb atalmish maqbara Zangi otaning rafiqasi Anbar bibi sharafiga qurilgan. Maqbara tuzilishi va bezagi Zangi ota maqbarasiga o‘xshab ketadi. Maqbarada ikkita qabr bo‘lib, birinchisi Anbar bibiga, ikkinchisi esa Ulug‘ podsho, ya’ni Sulaymon Haqim ota Bakirg‘oniyning onasiga tegishli deb hisoblanadi. XIX asrning oxirida maqbara gumbazi qulab tushgan. 1945-1949-yillarda u qayta ta’mirlangan. Shuningdek, gumbaz va peshtoqning yuqori qismi qayta ta’mirlangan.
(Ekskursantlarga tomosha qilish va rasmga tushishlari uchun 2 daqiqa vaqt beriladi. Savollarga javob beriladi).


10.13.-rasm. Zangi Ota majmuasi

10.14.-rasm. Zangi Ota majmuasini ko’rsatish tartibi.

2 -ob’ekt. XAZRATI IMOM MAJMUASI


Majmua qarshisida. Hurmatli ekskursantlar! Biz Xazrati Imom majmuasi qarshisida turibmiz. Xazrati Imom yoki Xasti Imom majmuasi XVI-XIX asrlarda shakllangan bo‘lib, uning asosini Kaffol Shoshiy maqbarasi tashkil etadi.
Mustaqillik yillarida tom ma’noda yangidan ta’mirlangan yodgorliklar sirasiga Xazrati Imom yodgorlik majmuasi obidalarini ta’kidlash maqsadga muvofiq. Hozirgi kunda ushbu hududdagi mavjud barcha yodgorliklar: Kaffol Shoshiy maqbarasi, Baroqxon, Muyi Muborak madrasalari, Tilla Shayx hamda Namozgoh jome’ masjidlari to‘liq ta’mirlanib, o‘zining yangi qiyofasida namoyon bo‘lmoqda. Ta’kidlash joizki, ta’mirlash ishlarida respublikamizdagi eng qo‘li gul ustalari jalb etilib, yodgorliklar o‘ziga xos me’moriy obidalar uslubida qayta ta’mirlandi.