12-мавзу. Базалаш усуллари. Машинасозликда базалар ва деталларни базалаш бўйича қЎлланиладиган атамалар ва таърифлар

 
Дастлабки ишлов беришда базаларни танлаш. 
 
Хомакини биринчи ўрнатишда фойдаланиладиган база дастлабки 
технологик база деб аталади. Дастлабки технологик база (технологик жараённинг 
қолган операциялари ҳам) контакт ёки текшириш базаси бўлиши мумкин, лекин 
уларнинг вазифаси турлича бўлади. Дастлабки технологик база сифатида 
шундай сиртни танлаш керакки, унга нисбатан кейинги операцияларда 
технологик база сифатида ишлатиладиган сиртлар биринчи операцияда ишлов 
бериладиган бўлиши лозим (яъни, дастлабки база тоза базаларга ишлов 
беришдаги базадир). Детални ишлов берилган сиртларининг ишлов берилмаган 
сиртларига нисбатан ўзаро тўғри жойлашувини таъминлаш учун дастлабки 
технологик база сифатида ишлов берилмайдиган сиртларни қабул қилиш 
мақсадга мувофиқ ҳисобланади. 
Ушбу расмда подшипник корпуси тасвирланган бўлиб, унда дастлабки 
технологик база сифатида “А” сирт хизмат қилади ва унга ишлов берилмайди. 
Дастлабки база бўйича ушбу детал ўрнатилганда, “В” текислик “а” ўлчам бўйича 
фрезаланади ва “А” ва “В” текисликларнинг параллеллиги таъминланади.
Подшипник корпусига кейинги ишлов беришда (“С” текисликни “в” ўлчам 
бўйича фрезалаш, тешик очиш ва бошқаларда) технологик база сифатида “В” 
текислигидан фойдаланилади. 
Деталларни ва хомакиларни базалашни ўрганиш учун аввал уларни дастгоҳлар ва 
мосламаларга маҳкамлаш (ўрнатиш) схемалари билан танишиб чиқамиз, чунки 
техник адабиётларда деталларни базалаш масалаларни ечишда одатда 
базалашнинг назарий схемалари қўлланилади. 

---

Хомакини токарлик дастгоҳи патронига
ўрнатиш ва ички резьба очиш (резьба қирқиш). 
12.1. Тайинланиши бўйича базалар синфи 
Асосий база–берилган деталга ёки йиғма бирликка тегишли бўлган ва 
унинг ҳолатини буюмда аниқлаш учун ишлатилувчи конструкторлик база (3.7, а–
расм). 1–шестерня туйнуги (I), ён сирти (II) ва шпон пази (III) асосий базалари 
ҳисобланади, яъни улар йиғиш жараёнида вални ёрдамчи базалари билан 
туташтирилади. 
Ёрдамчи база–берилган деталга ёки йиғма бирликка тегишли бўлган ва 
уларга бирлаштирилувчи буюм ҳолатини аниқлаш учун қўлланилувчи 
конструкторлик база (3.7, б –расм). 2–вал билан 3–шпонка йиғма бирлигида вал 
сирти (I), ён сирти (II) ва шпонка ён сирти (III) лар “ёрдамчи базалар” ҳисобланади 
ва йиғиш жараёнида уларга шестернянинг «ас» асосий базалари туташтирилади.