12-Маъруза (4 соат): Коммуникация сиёсати. Маърузанинг режаси

12-Маъруза (4 соат): Коммуникация сиёсати.
Маърузанинг режаси:

1. 
   Коммуникация сиёсатининг моҳияти, мазмуни ва мақсадлари.
   
2. 
   Маркетинг коммуникацияси комплекси (реклама, сотишни рағбатлантириш, ташвиқот, жамоа билан ишлаш, шахсий сотув, бевосита сотув).
   
3. 
   Харидорларга таъсир этиш услублари.
   
4. 
   Сотувчиларга таъсир этиш услублари.
   
5. 
   Глобаллашув даврида талабни шакллантириш ва сотувни рағбатлантиришнинг моҳияти, мақсади ҳамда услублари.
   
6. 
   Товарларни сотишни фаоллаштиришга таъсир этувчи омиллар.
   
7. 
   Реклама тушунчаси, мақсади ва вазифалари, турлари.
   

1. 
   Коммуникация сиёсатининг моҳияти, мазмуни ва мақсадлари.
   

Соддалаштирилган тушунчада силжитишнинг маркетинг маъноси шундан иборатки, бу ахборотни истеъмолчига фаол узатишдан бошқа нарса эмас. Бироз кенгайтирилган талқинда силжитиш — бу товарлар сотилишини фаоллаштириш ва бозорда ижобий тасаввур шакллантириш мақсадида ахборот олиш, ишонтириш ва ўз фаолияти ҳақида эслатиш учун корхонанинг бозор билан доимий алоқаларини яратиш ва сақлаб туришдир.
Шу билан бирга силжитиш корхона томонидан тақдим этилаётган товарлар, нархлар, сотиш шартлари, яъни маркетинг элементлари орқали потенциал истеъмолчиларнинг олиши мумкин бўлган манфаатлари ва афзалликлари тўғрисида зарурий хабардорлик даражасини таъминлайди.
Силжитишнинг асосини эса корхонанинг бозор субъектлари билан коммуникатив алоқалари ташкил этади. Силжитишнинг асосий воситалари сифатида реклама, шахсий сотишлар, сотишни рағбатлантириш ва жамоатчилик билан алоқалар намоён бўлади. Бу воситаларнинг ҳаммасидан корхона реклама ва маркетинг мақсадларига эришиш учун фойдаланади.
Реклама — бу муайян ҳомий буюрадиган ва молиялаштирадиган ғоялар, товарлар ёки хизматларни ношахсий тақдим этиш ва силжитишнинг ҳар қандай пулли шаклидир.
Шахсий сотиш — бу товарни потенциал мижозларга улар билан бевосита мулоқот қилиш вазиятида тақдим этиш ва сотиш ҳамда улар билан узоқ муддатли алоқаларни ўрнатиш мақсадини кўзлайдиган жараён.