12-амалий машғулот. Мавзу: ОҒРИҚ Қолдирувчи (анальгетик) воситалар машғулот режаси

Морфиннинг периферик таъсирлари:
I. Сусайтирувчи самаралар:

• 
  Ошқозон моторикасини ва ичак перистальтикасини сусайтиради, натижада ичакдаги овқат маҳсулотлари узоқ муддат давомида ушланиб қолади ва қабзиятга олиб келиши мумкин – обстипация.
  
• 
  Ошқозон, ошқозон ости бези ва ичак безлари секрециясини сусайтиради.
  

II. Кучайтирувчи самаралар:

• 
  МИЙ сфинктерларининг таранглигини оширади;
  
• 
  Ичак мушакларининг таранглигини оширади;
  
• 
  Одди сфинктерининг таранглигини оширади (ўт пуфагида, ўт йўлларида ва ошқозон ости бези йўлларида босимни оширади);
  

• 
  Бронх мушакларининг таранглигини оширади (мушаклардаги опиоид рецепторларга бевосита таъсири ҳамда гистамин ажралишини ошириши ҳисобига);
  

• 
  Пешоб йўллари ва қовуқ сфинктерининг таранглигини оширади, сийишни қийинлаштиради.
  

Морфиннинг фармакокинетикаси:

• 
  Меъда-ичак йўлидан ёмон сўрилади, катта қисми жигардан бирламчи ўтишда парчаланади, шунинг учун уни кўпинча парентерал йўл билан киритилади (т/о).
  
• 
  Унинг оғриқсизлантирувчи самараси 4-6 соат давом этади.
  
• 
  Гематоэнцефалик тўсиқдан ёмон ўтади.
  

• 
  Ўзгармаган морфин (10%) ва унинг конъюгатлари (90%) асосан буйраклар ва қисман (7-10%) меъда-ичак йўли орқали ажратилади.
  

Морфин билан ўткир заҳарланиш:

• 
  Беморнинг эс-ҳуши йўқолади.
  
• 
  Кома кузатилади.
  

• 
  Нафас олиши қийинлашади ва нафаслар сони камаяди. Оғир ҳолларда даврий нафас кузатилади.
  
• 
  Тери қаватлари ранги оқаради, совиб кетади.
  
• 
  Шиллиқ қаватлар цианотик тусга киради.
  
• 
  Кучли ифодаланган миоз кузатилади.
  
• 
  Қон айланиши бузилади.
  
• 
  Тана ҳарорати пасаяди.
  
• 
  Юрак етишмовчилиги ва ўпка шиши натижасида дастлабки 6-12 соат ичида ўлим рўй бериши мумкин.