111- боб чорвачилик ва паррандачилик асослари

ISBN: 978-9943-10-761-8
© «Fan va texnologiya» nashriyoti, 2012
KIRISH

Kelajakda bo’lg‘usi yosh avlodlarni bilim doirasi keng bo‘lishi bilan birga, ular chuqur bilim egasi, yangi texnika va texnologiyaning barcha jarayonlarini to‘g‘ri boshqara oladigan darajada o‘quv mahoratga ega bo‘lishlari shart.

Yosh avlodga chorvachilikning barcha tarmoklarini jadal rivojlantirish, chorva mahsulotlarini ko‘proq yetishtirish bilan birga, ularning sifatini yaxshilash va tannarxini arzonlashtirish, mustahkam yem-xashak bazasini yaratish, mollar tuyog‘ini ko’paytirish, naslchilik ishlarini yaxshilash, chorvachilik tarmoqlarini ixtisoslashtirish, shuningdek, zamonaviy sutchilik fermalarini bunyod etish, mollarni go‘shtga semirtirish ishlarini qisqa muddatlarda samarali olib borish, barcha chorvachilik fermalarida mahsulot ishlab chiqarish yo‘nalishiga ko‘ra olingan mahsulotlarni qayta ishlash va ilg‘or mamlakatlar tajribalarini qo‘llagan holda qadoqlash, saqlash va iste’molchilarga jo‘natish ishlarini to‘g‘ri amalga oshirish kabilarni o‘rgatishda milliylik asosidagi darsliklar muhim ahamiyat kasb etadi.
Shu boisdan mualliflar qishloq xo‘jaligini muhim tarmog‘i bo‘lgan barcha turdagi hayvon jonivorlarni parvarish qilish asoslari o‘rgatishga mo‘ljallangan darslikni oldingi chop qilingan darsliklarni mualliflarini (adabiyotlar ro‘yxati keltirilgan)mulohazalarini inobatga olib, mavjud darsliklar, o‘quv qo‘llanmalar, tavsiyanomalar, tarixiy material va barcha turdagi ensiklopediyalardan foydalangan holda vazirlik tavsiya qilgan o‘quv dasturi asosida tuzishga harakat qildilar.
Ushbu darslik Oliy va o‘rta maxsus ta’limi Vazirlikning 2011 yil 11 maydagi 192-sonli buyrug‘i bilan tasdiqlangan va ro‘yxatga olingan, Oliy va o‘rta maxsus, kasb-hunar ta’limi tayyorlov yo‘nalishlari bo‘yicha muvofiqlashtiruvchi kengashning 2011 yil 29 martdagi 1-son majlis bayoni bilan ma’qullangan. Chorvachilik va parrandachilik asoslari fanining o‘quv dasturi asosida tayyorlandi.
Darslikda umum o‘rta ta’lim maktabi va kasb hunar kollejlar sharoitiga ko‘ra tashkil qilinadigan mustaqil urganishga ham ayrim mavzular taklif qilingan va unda kamchiliklar bo‘lishi mumkin, shuni uchun ushbu tuzilgan darslikka nisbatan bildirilgan xolisona fikr mulohazalar uchun mualiflar oldindan minnatdorchilik bildirishadi.