11-tema: Seminar, ámeliy hám laboravtoriya shınıģıwların ótkeriw texnologiyası

Seminar aldı shınıģıwları, tiykarınan, talabalardı óz betinshe islewdiń ózine say ózgeshelikleri menen tanıstırıw maqsetinde ótkeriledi. Bunda ádebiyatlar, maģlıwmatnama-ádebiyatlar hám basqa da derekler menen islew usılları úyretiledi, talabalardı baslanģısh formada ilimiy-izertlew jumıslarına ótiwge tayarlaydı. Seminar aldı shınıģıwları seminar shınıģıwlarınıń tayarlıq forması esaplanadı hám ádette birinshi kurslarda ótkeriledi.
Seminar aldı shınıģıwlarında oqıtıwshı jetekshilik qıladı, sebebi, talabalar belgili bir qániygelik boyınsha oqıw jumıslarına kem itibar beredi, sonıń ushın da jeterli dárejede belsendilik kórsete almaydı.
Seminar shınıģıwlarında seminar aldı shınıģıwlarına qaraģanda júdá kerekli wazıypalar sheshiledi. Máselen, ayırım seminarlar tematikalıq jaqtan baylanısqan belgili bir turaqlı kursın tereń úyreniwdi maqset etip qoyadı. Basqaları bolsa qanday da bir temanı yamasa kurstıń ayrıqsha hám júdá zárúr ulıwmalıq temaların metodologiyalıq jaqtan islep shıģıwģa arnalģan boladı.
Arnawlı seminarlar lekciya temalarına baylanıslı bolmaydı hám qanday da bir pánniń mazmunına kirmeydi. Ádette pánniń jeke máselelerin tereń úyreniw maqsetinde qollanıladı.
Seminar shınıģıwında oqıtıwshı hám shólkemlestiriwshi, hám máslahatshi, hám orator, hám sınshı, hám tárbiyashı wazıypasın atqaradı.
Oqıtıwshınıń seminar shınıģıwına tayarlıq kóriwi hám ótkeriwi boyınsha máslahatler:
-shınıģıwdıń maqset hám wazıypasın anıqlaw;
-seminardıń mazmunın tereń úyreniw;
-talabanıń kerekli maģlıwmatların tabıw ushın ádebiyatlardı durıs tańlap biliw;
-sorawlardı durıs qáliplestiriw;
-talabalardı seminar sorawları hám ádebiyatları menen 10-14 kún burın tanıstırıw;
-talabalardı awızeki juwap beriw menen birge kórgizbeli materiallardan da paydalanıwģa baģdarlaw;
-topardıń seminar shınıģıwına tolıq tayar bolıwın támiyinlew;
-shınıģıwda birge islesiw hám awızbirshilik ortalıģın ornatıw;
-talabalardı erkin pikir bildiriwge, hár bir soraw boyınsha óziniń juwmaģı bolıwın úyretiw;
-hár bir talaba hár túrli jumıs túrlerin islep shıģıw. Máselen, annotaciya, shıģıp sóylewlerdi talqılaw, krossvord sheshiw h.t.b.
-hár bir sorawdı talqılawģa ajıratılģan waqıttı belgilew hám onı talabalarģa aldın ala esletip qoyıw;
-shınıģıw juwmaģında materiallardı sistemalastırıw, analizlew;
-seminar shınıģıwına qatnasqan talabalardı bahalaw;
-shınıģıw juwmaģında onı talqılaw, kemshilik hám jetiskenliklerdi anıqlaw.