11-Mavzu: Pedagoglar, ota-onalar uchun psixologik tadbirlar

12-Mavzu: Maktabgacha ta’lim muassasalarida psixokonsultativ ishlarni olib borish

Turli ta’lim – tarbiya muassasalarida bugun psixolog yangilik emas. Psixologlarning ta’lim tizimida faoliyat ko`rsatib kelayotganlariga ancha bo`ldi. Biroq xaligacha ko`pchilik bu soxa mutaxassislari ishiga biroz shubxa aralash nazar bilan qarashmoqda. Bunga ma’lum ma’noda psixologlarning o`zi xam aybdor. Ular o`z faoliyatlarining, o`z yordamining qanchalik muximligini, yosh avlodni barkamol insonlar qilib voyaga yetkazishda ularning ishtiroki zarur ekanligini ko`rsatib, ifodalab bermayaptilar. Buning asosiy sabablaridan biri, bizning fikrimizcha, psixologlarning o`z faoliyatida ta’lim tarbiya muassasalari xarakterli xususiyatlariga yetarlicha e’tibor bera olmayotganliklari, muassasaning o`ziga xos xususiyatlariga moslasha olmayotganliklaridadir. Turli yoshdagi, jinsdagi ma’lumot va e’tiqod darajasidagi odamlar bilan psixolog bir xil metod va usul orqali ishlamas ekan nima uchun turli ta’lim - tarbiya muassasalarida olib boradigan faoliyati o`zaro farqlanmaydimi? Turli muassasa bu turlicha sharoit, turli muassasa-bu rivojlanishi jixatdan turlicha bo`lgan bolalar. Shunday ekan, turli xil muassasalarda psixolog yagona qolipga solingan yo`ldan borishi mumkinmi? Bizningcha mumkin emas. Shundan kelib chiqib turli tuman bolalar muassasalarida psixolog olib boradigan ishning bir – biridan farqi, o`ziga xos va takrorlanmas xususiyatlariga e’tiboringizni qaratmoqchimiz. Biz qisqacha tarzda psixologning maktabgacha tarbiya muassasalarida olib boradagan ishlari, umumiy o`rta ta’lim maktablarida va mexribonlik uylarining tarbiyalanuvchilari bilan amalga oshiradigan ishlarning ayrim jixatlari xaqida to`xtalib utamiz.