11-Laboratoriya ishi Cho’g’lanma elektr lampaning yorug’lik kuchini va solishtirma quvvatini fotometrik usulda aniqlash Ishning maqsadi

Cho’g’lanma lampochkaning yorug’lik kuchini aniqlash

Vertikal lampani etalon lampa deb, uning yorug’lik kuchini bir birlik deb qabul qilamiz, ya’ni I₂ = 1 kd tekshiriladigan lampa sifatida aylanma limbga o’rnatilgan lampa ishlatiladi. Etalon lampa va tekshirilayotgan lampani optik taglikning ikki chetida turgan siljitgichlarga berkitiladi. O’rtadan siljitgichga fotometr mahkamlanib, u yorug’lik manbalari bilan bir xil balandlikda o’rnatiladi. Birinchi taqqoslash paytida limbning ko’rsatkichi nolda turishi mumkin. Lampalarni elektr tarmog’iga ulab, ularning yorug’lik kuchlarini sinashga kirishamiz. Buning uchun fotometrni u yoki bu tomonga siljitib, ko’rish maydonining bir xil yoritilishiga erishish kerak. Keyin optik taglikdagi masshtab yordamida lampochkalarning fotometrgacha bo’lgan masofalari aniqlanadi. Bu xil o’lchashlar har xil masofalar uchun 4-5 marta takrorlanib o’rtacha qiymat topiladi. Bu qiymatlarni (15) formulaga qo’yib, noma’lum manbaning yorug’lik kuchi aniqlanadi. Lampochka atrofida yorug’lik kuchining taqsimlanishini o’rganish uchun tekshirilayotgan lampani gorizontal o’q atrofida 360⁰ gacha buramiz. Bunda har bir 20⁰ ga burilganda yuqoridagiday o’lchash o’tkazilib, hisob olinadi. O’lchash natijalari jadval rasmida yoziladi. Shu natijalarga asosan lampochka atrofida yorug’lik kuchining taqsimlanish grafigi chiziladi.