11. Flavanoidlar ub spektri natri atsetat ishtirokida olinganda halqaning qaysi holatidagi gidroksil guruhi bataxrom siljishga uchraydi?

Боғ турлари	Валент тебранишлар, см^–1
Деформацион тебранишлар, см^–1
–ОНассоц, фенол	3244	Текисликдаги 1378 Текисликдан ташқарида 650
С–Наромат , фенол	3052	Обертонлар 2000–1667 Текисликдан ташқарида 815, 753
С–Саромат, фенол	1601, 1501, 1478	Текисликдан ташқарида 669
С–Офенол	1231
О–Нассоц.. бензил спиртида	3329	1209

Карбонил гуруҳ. Альдегид ва кетонлардаги С=О боғнинг валент тебранишлари 1870–1540 см^–1 соҳадаги интенсив ютилиш чизиқлари билан характерланади.
С=О гуруҳнинг валент тебранишларининг чизиқларини ҳолати кўпгина омиллар билан аниқланади, буларга: физик ҳолати, электрон таъсири ва қўшни ўриндошлар массаларининг таъсири, туташиш, водород боғлар мисол бўлади. Карбонил гуруҳларнинг валент ва деформацион тебранишлари
9-жадвалда келтирилган.
9-жадвал
Карбонил гуруҳларнинг валент ва деформацион
тебранишлари қийматлари

Боғланиш турлари	Валент тебранишлар, см^–^1	Деформацион тебранишлар, см^–1
метил гуруҳдаги С–Н, ацетон	νas 2995 νs 2918	δas 1422 δs 1360
С=О, ацетон	1715
С–СО–С, ацетон	1213
RCHO даги С–Н		975–780

Очиқ занжирли кетонларда карбонил гуруҳнинг тебранишларига мос келадиган ютилиш частотаси 1725–1705 см^–1 соҳада кузатилади.

Альдегидларда карбонил гуруҳнинг валент тебранишлари ҳисобига намоён бўладиган ютилиш, тегишли метилкетонларга нисбатан юқорироқ частоталарда кузатилади


Карбоксил гуруҳ. Карбоксил гуруҳ ИҚ-спектрда О–Н боғнинг валент ва деформацион тебранишлари, С=О боғнинг валент тебранишлари ва С–О боғнинг деформацион тебранишлари бўйича аниқланади.
Карбон кислоталар водород боғлар ҳисобига ассоцияланганлиги сабабли асосан димерлар кўринишида бўлади. Шу сабабли эркин гидроксил гуруҳнинг (тахминан 3520 см^–1) валент тебранишлари қутбсиз эритувчилардаги суюлтирилган эритмаларда ёки газ фазасида кузатилади.

Карбоксил гуруҳнинг С=О валент тебранишларининг чизиқлари, кетон карбонилларининг тебранишларидан интенсивроқ. α- ҳолатдаги электроноакцептор гуруҳлар С=О ютилиш частотасини (10–20 см^–1га) ортишига сабаб бўлади. Қуйидаги жадвалда карбоксил гуруҳларнинг валент ва деформацион тебранишлари келтирилган (10-жадвал).