10-мавзу. Суғурта, молия ҳамда ахборот ва кўчмас мулк бозорлари хизматлари бозори. Режа

Иштирокчиларнинг суғурта муносабатларидаги ҳуқуқлари ва қонуний манфаатларини ҳимоя қилиш
Ўзбекистон Республикаси Молия вазирлиги ҳузуридаги Суғурта бозорини ривожлантириш агентлиги Ўзбекистон Республикаси Вазирлар Маҳкамасининг 2019 йил 31 декабрдаги 1060-сонли қарори асосида ташкил этилган ва суғурта бозорини тартибга солиш ва ривожлантириш бўйича ваколатли давлат органи бўлиб, суғурта муносабатларининг барча иштирокчиларининг ҳуқуқлари ва қонуний манфаатларини ҳимоя қилишни таъминлайди.
Қуйидагилар Агентликнинг асосий вазифалари ҳисобланади:

• 
  суғурта хизматлари истеъмолчилари ва суғурта муносабатларининг бошқа иштирокчилари ҳуқуқлари ва қонуний манфаатлари ҳимоя қилинишини таъминлаш, аҳолининг суғурта бозорига ишончини оширишга ва жамиятда суғурта маданиятини ривожлантиришга кўмаклашиш;
  
• 
  суғурта бозорининг профессионал иштирокчилари томонидан аҳоли ўртасида суғурта хизматларидан хабардорлик ва фуқароларнинг суғурта саводхонлигини ошириш юзасидан тушунтириш ишлари амалга оширилишини таъминлайди;
  
• 
  оммавий ахборот воситаларида суғурталовчилар томонидан ижтимоий характердаги, шу жумладан, суғуртанинг устунликлари, суғурта товонларини тўлаш тартиби ва суғурта хизматлари истеъмолчиларининг ҳуқуқларини ҳимоя қилиш ҳақидаги маълумотларни жойлаштириш ишларини ташкил қилади;
  
• 
  Агентлик ваколатига кирадиган масалалар бўйича фуқаролар ва юридик шахсларнинг таклифлари, шикоятлари ва сўровларини кўриб чиқади;
  

Суғурталаш нархи (суғурта тарифлари) қандай аниқланади?
Мажбурий суғурта турлари бўйича суғурта тарифларини белгилашда суғурта компанияси қонун ҳужжатларида белгиланган тариф ставкаларини ҳисобга олади. Ихтиёрий суғурта турлари бўйича суғурта тарифларини белгилашда компания томонидан тасдиқланган тарифлар ҳисобга олинади.
3.Ахборот хизматлари бозори
Жисмоний шахслар, гуруҳлар, коллектив ва ташкилотларнинг фаолияти ҳозирги кунда уларнинг тафаккури ва мавжуд ахборотлардан самарали фойдалана олиш қобилиятига тобора боғлиқ бўлиб бормоқда. Ҳар қандай ҳаракатни амалга оширишдан олдин ахборотни йиғиш ва қайта ишлаш, уни тушуниш ва таҳлил қилиш бўйича жуда кўп ишларни амалга ошириш лозим. Ҳар қандай соҳада рационал ечимларни топиш катта ҳажмдаги ахборотни қайта ишлашни талаб қилади, бу эса махсус техник воситаларни жалб қилмасдан баъзан мумкин эмас