10-мавзу. ИҚтисодиётда фаолият кўрсатаётган кичик бизнес ва тадбиркорлик субъектларининг экспорт салоҳиятини баҳолаш режа

Кичик бизнес ва хусусий тадбиркорликнинг асосий капиталга киритилган инвестициялар ҳажмидаги улуши
(фоизда)

Статистик кўрсаткичлар динамикаси шуни кўрсатмоқдаки, мамлакатнинг ижтимоий-иқтисодий ривожланишида кичик бизнес ва хусусий тадбиркорликнинг аҳамияти йил сайин ошиб бормоқда. Мазкур соҳалардаги ижобий тенденцияларга бозор ислоҳотларини чуқурлаштириш ва иқтисодиётни эркинлаштириш, ишбилармонлик муҳитини яхшилаш, рақобат муҳитини ривожлантириш ва хусусий мулкни ҳимоя қилишга оид тизимли комплекс чора-тадбирларни амалга оширилиши ҳисобига эришилмоқда.
Оилавий тадбиркорлик. Оилавий корхоналарнинг маҳсулот (товарлар, ишлар ва хизматлар) сотишдан тушган соф тушум 2016 йил якуни билан 679320,3 млн. сўмни ташкил этган.
2012 йилда маҳсулот (товарлар, ишлар ва хизматлар) сотишдан тушган соф тушум битта оилавий корхона ҳисобига ўртача 27,6 млн сўмни ташкил этган бўлса, бу кўрсаткич 2016 йилда 5,1 бараварга ўсган.
2016 йилда ўртача битта оилавий корхонага тўғри келадиган маҳсулот (товарлар, ишлар ва хизматлар) сотишдан тушган соф тушумнинг энг юқори кўрсаткичи Тошкент шаҳрида 323,4 млн. сўмни ташкил этган бўлса, энг паст кўрсаткич 39,7 млн. сўм бўлиб Сирдарё вилояти субъектларига тўғри келган (17-расм).
17-расм
Маҳсулот (товарлар, ишлар ва хизматлар) сотишдан тушган соф тушумнинг битта оилавий корхонага тўғри келадиган ўртача ҳажми
(млн. сўмда)

2016 йилда оилавий корхоналарнинг маҳсулот (товарлар, ишлар ва хизматлар) сотишдан тушган соф тушумнинг 40,8 фоизи саноат тармоғи, 33,1 фоизи савдо, 11,1 фоизи яшаш ва овқатланиш, 3,3 фоизи қишлоқ, ўрмон ва балиқчилик хўжалиги, 3,0 фоизи қурилиш, 0,8 фоиз ташиш ва сақлаш, 7,9 фоиз бошқа иқтисодий фаолият турлари билан шуғулланувчи корхоналар ҳиссасига тўғри келади (18-расм).
18-расм
Иқтисодий фаолият турлари бўйича оилавий корхоналарда маҳсулот (товарлар, ишлар ва хизматлар) сотишдан тушган соф тушум ҳажми
(фоизда)