10 bap. ÓNDİRİSLİk faktorlardin konkurent bazarlari. MİYnet bazari. Kapital bazarlari

* Kapital bazarlardıń instrumentleri - kredit resursları, qımbatlı kaǵazlar (aksiyalar, obligasiyalar, vekseller) hám erkin túrdegi kontraktlar.
* Teńsalmaqlılıq jaǵdayında investisiyalıq kapitaldıń shekli nátiyjeliligi investordıń waqıt boyınsha artıqmashlılıǵınıń shekli normasına teń.
* Keleshekte alınatuǵın dáramatlardıń paydalılıǵı búgingi kúnge salıstırǵanda az dep esaplanıladı: házirgi dáramatlarǵa keleshekte prosentler alıw múmkin. Sonıń ushın keleshek túsimlerdi arnawlı túrde diskontalaw jolı menen esaplaw kerek.
* Kapital qoyılmalardıń táwekelshiligi qansha joqarı bolsa, ádette olardan kútiletuǵın ortasha paydanıń muǵdarı sonsha kóp boladı.
* Egerde proekt táwekelshilik benen baylanıslı bolmasa diskonta stavkası retinde prosenttiń esap stavkası qabıl etiledi.
* Egerde kútilgen dáramat investisiyalıq qárejetlerden joqarı bolsa proektti investisiyalaw múmkin degen sheshimdi qabıllaymız.
* Pul kapitalı bazarlarında usınıs bos turǵan pul qárejetleri iyeleriniń (forma, úy xojalıǵı) sheshimine baylanıslı. Prosent stavkalarınıń ósiwi puldı kreditke beriwdiń utımlı ekeniń ańlatadı.
* Talap hám usınıslardıń teń salmaqlılıǵı bazar prosent stavkası muǵdarın ańlatadı.* Táwekelshilik nátiyjesinde bolıwı múmkin bolǵan utılıslardı azaytıw ushın diversifikasiya – yaǵnıy kapitaldı hár qıylı proektlerge jumsawdı qollanıw kerek.
* Qunlılıq kriteriyaları-proektti ámelge asırıw ushın ajıratılǵan kapital jamǵarmalardıń rentabelligin biliw ushın, investisiyadan kútiletuǵın keleshek dáramatlardıń diskontalıq qunı esaplanıladı, keyin bul investisiyanıń muǵdarı menen salıstırıladı. * Taza keltirilgen qun-kriteriyası (NPV): kútilgen dáramat, investisiya ǵárejetlerinen joqarı bolsa, investisiyalaw múmkinligin kórsetedi.
Tiykarǵı terminler:
Shekli ónim
Texnologiyalıq prosessler
Almastırıw effekti
İslep shıǵarıw effekti
Payda
Alternativ shıǵınlar
Almastırıwdıń shekli normaları.
Kapital bazarları
Kapital qoyılmalar
Pul kapitalı
Kapitaldı diversifikasiyalaw
Prosent stavkası