10-Amaliy: Yuk ko’taruvchi konstruktsiyalarni almashtirish

Zina va balkonlarni almashtirish.

Eski g’isht turar joy va jamoat binolarda yog’och zanalar ko’p ishlatilgan, ularni almashtirish uchun metall yoki temirbeton konstruktsiyalar tavsiya etiladi. Zinaning kichik elementlaridan iborat yig’ma konstruktsiyasi oralig’i 4 m gacha bo’lgan kosourlardan va kosour osti balka va uzunligi 1,35 m gacha bo’lgan zinalardan iborat. Bunda qavat balandiligi 2,85 dan 3,9 m gacha bo’lgan bino uchun zina o’rnatish imkoni bo’ladi. Bu ko’taruvchanligi chegaralangan montaj mexanizmlarini ishlatilganda og’ir va yaxlit emas, balki burchakli tipdagi massasi 2 marta yengillashtirilgan temir beton zinalari qo’llaniladi. Eski jamoat va turar-joy binolarida qavat sathida maydonchasi ochiq ko’rinishdagi balkonlar qo’llangan. Ularning shakli yarimdoira, to’g’ri-to’rtburchakli, oval ko’rinishida va boshqalar. Yaxshilab gidroizolyatsiya qilinganda balkonlar devorni namlanishdan himoya qiladi va yetarli darajada davomli vaqt xizmat qiladi. Ammo ular doimiy atmosfera ta’siri sharoitida bo’lgani uchun binoning boshqa qismlaridan avval ishdan chiqadi va buziladi. Balkon plitalarining arzimagan yuzaki buzilishlarida ularni ko’chgan beton qatlamlaridan tozalash, zararlangan joylarni V20, V25 sinfli maydadonali beton bilan tiklash va mastika bilan gidroizolyatsiya qilish orqali remont ishlari bajariladi. Balkonlarni shikastini berkitishning 2 konstruktiv yechimi tavsiya qilinadi:

-birinchi plitali – uzunligi 2 m - 3,2 m, kengligi 1,19 m bo’lgan temirbeton balkon plitalari devorga 390 mm chuqurlikda mahkamlanadi va qo’shimcha burchak profili po’latdan qilingan kronshteyn yordamida temirbeton orayopmalarga mahkamlanadi;

-ikkinchi balkali – kesimi 100x150 mm, uzunligi 1,2 m li 2 ta balka devorga konsolь ko’rinishida mahkamlanadi va ularga balkonning temirbeton plitasi o’rnatiladi.

Balkonlarni orayopma plitalarning tayanch sathida mahkamlanishi ham mumkin, u holda ularni metall kronshteynlar bilan mahkamlash kerak bo’ladi. Balkali variantda konsoli balkaga bog’lovchi balkani payvandlanishi ham mumkin. U holda balkon plitasi bog’lovchi balkaga tayanadi.