10-Amaliy: Yuk ko’taruvchi konstruktsiyalarni almashtirish

Tomyopmalarning yengillashtirilgan konstruktsiyasi

Ekspluatatsiya rejimi og’ir bo’lgan ishlab chiqarish binolarida, aniqrog’i qishloq xo’jalik ob’ektlarida, ximiya korxonalarida temperatura-namlik rejimi yuqori bo’lgan, ishlab chiqarish ob’ektlarida, tomyopmani almashtirish muammosi tez-tez ro’y beradi. Xususan 50-yillarda qurilgan, devorlari g’ishtli, tomyopmalari yog’ochli uncha katta bo’lmagan molxonalar 20-30 yil ichida yaroqsiz holga tushgan. Bunday yopmalarni rekonstruktsiya qilish uchun yengillashtirilgan oldindan zo’riqtirilgan plitalar tavsiya etiladi. Plitalarning eni 2 m, oralig’i 12 m, og’irligi (3,7 t, yengil betondan tayyorlangani 2,7 t). Ishdan chiqqan yupqa qatlamli tomqoplama plitalari almashtirish uchun samarali isitgichli ruxlangan ko’pqavatli profto’shamalar qo’llaniladi. Turar-joy binolarining chordoq orayopmalarini rekonstruktsiyalashda texnik yechimdan tashqarii, g’ovak beton yoki yengil betondan yig’ma plitalar tavsiya qilinadi. Ularning qalinligi betonning zichligiga ko’ra issiqlik texnikasi hisobi bilan aniqlanadi. Bunday plitalar unchalik katta bo’lmagan og’irlikka ega bo’lib,ularni isitishga hojat qolmaydi va tomqoplamaning stropil konstruktsiyalari tayanishi uchun yetarli yuk ko’tarish qobiliyatiga ega, plitalarning qalinligi 350-400 mm.