10-Amaliy mashg’ulot: Paxta yigʻishtirish mashinasi ishchi qismlari

Hamma kassetalardagi shpindellar sirtiga ajratgich likopchalari va namlagich yostiqchalari bir tekis tegib turishi muhimdir.

Tik o‘rnatilgan val 11 atrofida aylanayotgan likopchalar shpindel ishchi uzunligini to‘liq tegib tozalashi uchun kassetaga shpindel shunday joylashtiriladiki, uning konussimon sirtining ustki yasovchisi gorizontal holatda bo‘ladi. Shpindelning simmetriya o‘qi kasseta o‘qiga perpendikulyar bo‘lmaydi (6 - a rasm). Shpindellarning kassetada bunday joylashtirilishi ularning sirtini yuvib, chirklanishdan tozalash imkonini ham beradi.

Shpindellarni yuvish tizimining sxemasi 6- b rasmda keltirilgan bo‘lib, u quyidagicha ishlaydi. Bak 4 ga quyilgan yuvish vositasining suvdagi eritmasi nasos 4 yordamida naycha bo‘ylab forsunka 11 ga uzatiladi. Uzatilayotgan eritma mayin filtr 8 dan o‘tayotib tozalanadi.
Forsunkaga uzatilayotgan eritmaning miqdorini naychadagi bosim moslama 9 yordamida sozlash hisobiga eritma bosimining o‘zgarishini manometr 10 yordamida kuzatish mumkin.
Forsunka 11 dan purkalib chiqayotgan eritma konus 12 ning cho‘qqisiga tushib, konus sirti bo‘ylab bir xil qalinlikdagi plyonka ko‘rinishida shtutser 13 larga tekis taqsimlanadi. Shtutser 13 larga ulangan naycha 14 lar orqali eritma yumshoq rezinadan tayyorlangan yostiqchalar 16 ga yetib boradi va ularning pastki yuzasini uzluksiz namlab turadi. Yostiqchaning uzunligi shpindel sirtini to‘liq tozalash uchun yetarli bo‘ladi. Yostiqchalar kassetadagi hamma shpindellarning ustki yasovchisiga tegib

6- rasm.Shpindellarni kassetada joylashtirish (a) va yuvish
tizimining (b) sxemalari:
1 – kasseta vali; 2 – shpindel o‘qi; 3 – shpindel sirtining ustki yasovchisi; 4 – bak; 5 – yopuvchi ventil; 6 – tindirgich; 7 – nasos; 8 – filtr; 9 – bosim o‘zgartirgich; 10 – manometr; 14 – forsunka; 12 – taqsimlovchi konus; 13 – shtutser; 14 – naychalar; 15 – namlagich ustuni; 16 – namlagich yostiqchasi; 17 – sozlovchi vint; 18 – shpindel.
turishini sozlash uchun vint 14 xizmat qiladi. Shpindel sirtining ochilgan chanoqqa tegish ehtimolini oshirish maqsadida g’o‘zapoyani barabanga siqib turuvchi yaxlit to‘siq 12, paxtani o‘ziga o‘rab chiqayotgan shpindeldan g’o‘zapoya shoxlarini ajratib qolish maqsadida esa panjarasimon to‘siq 11o‘rnatilgan. Shu ikkala to‘siq oralig’i terish kamerasi deyiladi.