1. Yakka tartibdagi tadbirkorlar tushunchasi, faoliyat turlari, obʼektlari, mezonlari va axamiyati

Reja:
Kirish
1. Yakka tartibdagi tadbirkorlar tushunchasi, faoliyat turlari, obʼektlari, mezonlari va axamiyati
2. Yakka tartibdagi tadbirkorlarga faoliyat turlari boʻyicha qoʻllaniladigan soliq stavkalari va qoʻllanilgan imtiyozlar 2020-2021 yillar davri taxlili
3. Yakka tartibdagi tadbirkorlar tomonidan yollangan xodimlarni davlat soliq xizmati organlarida hisobga qoʻyish hamda soliq solinadigan daromadlar va chegiriladigan xarajatlar hisobi
4. Rivojlangan davlatlarda YaTTlarni solikka tortishda amaldagi holati
Xulosa
Foydalanilgan adabiyotlar roʻyxati

KIRISH

Mavzuning dolzarbligi. Soliq islohotlarini o’tkazishda soliqqa tortishning an’anaviy tamoyillari o’zgarmaydi. Lekin amaldagi soliq tizimining iqtisodiy – huquqiy tamoyillarini takomillashtirib boradi. Bunda soliq munosabatlarining tamoyillari o’tkazilgan har bir islohotlar natijasida sayqallanadi va mohiyati, mazmuni maqsadlari borgan sari nazariy tamoyillar darajasiga yaqinlashib boradi. Zero har bir davrning o’ziga xos soliq tizimining adolatlilik, samaradorlik va soddalashtirilgan namunasi mavjud. Ana shu ko’rsatkishlar muayyan davrga moslashtirilgan soliq islohotlari o’tkazilishi natijasida an’anaviy mezonlarga yaqinlashib boradi. Soliqlar har bir davlatning moddiy jihatlarini ta’minlaydi. Jahon iqtisodiyoti taraqqiyotining hozirgi bosqichida ular iqtisodiyotini davlat tomonidan tartibga solishning muhim vositasi hisoblanadi. Iqtisodiy islohotlarni yanada erkinlashtirish va shuqurlashtirish jarayonida kishik biznesni rivojlantirish muhim ahamiyat kasb etadi. Chunki, bozor iqtisodiyotiga o’tish sharoitida xususiy tadbirkorlik, kichik biznesni rivojlantirish, mulkdorlar sinfini shakllantirish, bozorlarni tovarlar bilan to’ldirish, raqobat muhitini yaratish, ishsizlikka barham berish mamlakat oldida turgan asosiy vazifalardan hisoblanadi.
Kurs ishining ob’ekti va predmeti. Ishning ob’ekti bo’lib daromad, mol-mulk va er uchastkalaridan soliqlarni to’lovchi jismoniy shaxslar hisoblanadi.Kurs ishining predmeti jismoniy shaxslarning daromadlari, mol-mulklari va yer ushastkalarini soliqqa tortishni takomillashtirish jarayonida vujudga keladigan iqtisodiy munosabatlar yig’indisidan iborat.