1 ва 2- маъруза. Компьютер тармоқлари

5. Глобал компьютер тармоғи - Internet тармоғи


Internet (International Network-халкаро компьютер тармоғи) - бутун дунёни камраб олган глобал компьютер тармоғидир. Хозирги кунда Internet дунёнинг 150 дан ортик мамлакатида 100 миллионлаб абонентларга эга. Хар ойда тармоқ миқдори 7-10%га ортиб бормокда. Internet дунёдаги турли хил маълумотларга оид ахборот тармоқлари ўртасидаги ўзаро алоқани амалга оширувчи ядрони ташкил килади.
Internet качонлардир факат тадкикот ва ўқув гурухларигагина хизмат килган бўлса, хозирги кунга келиб, у ишлаб чикариш доиралари орасида кенг тарқалмоқда. Компанияларни Internet тармоғининг тезкорлиги, арзон, кенг камровдаги алока, ҳамкорлик ишларидаги қулайлик, ҳамманинг ишлаши учун имкон берувчи программа ҳамда маълумотларнинг ноёб базаси эканлиги билан ўзига тортмокда. Арзон хизмат нархи эвазига (факат Internet тармоғидан ёки телефондан фойдаланганликлари учун ойма-ой тўланувчи доимий тўловни назарда тутмаса) фойдаланувчилар АҚШ, Канада, Австралия ва бошқа кўпгина Европа мамлакатларининг тижорат ёки нотижорат ахборот хизматларига йўл топадилар. Internet нинг эркин кириладиган архивида инсоният фаолиятининг барча жабҳаларини қамраб оладиган ахборотларга, янги илмий янгиликлардан тортиб, то эртанги кунги об-хаво маълумотигача билиб олиш мумкин.
Айниқса, кундалик коммуникацияга мухтож шахслар, ташкилот, муассасалар учун кўпинча телефон оркали тугридан-тугри алокага нисбатан Internet инфраструктурасидан фойдаланиш анчагина арзон тушади. Бу нарса, айникса, чет элларда филиаллари мавжуд бўлган фирмалар учун кулайдир, чунки Internet нинг конфиденциал ноёб алокалари бутун дунё бўйича имкониятга эга.
Шу билан бирга яна бир нарсани айтиш лозимки, якиндан бери босма нашрларни компьютер тармоги канали оркали таркатиш бошланди. Тез-тез биз севган газета ва журналларимизнинг охирги маълумотларини WWW сўзларидан бошланган манзилда кўриш ва уни шу манзилдан нусхасини кўчириб олиш мумкин деган сўзлар кўпрок учраб турибди. Шу билан бирга электрон нашрлар тушунчаларининг камрови ойма-ой кенгайиб бормокда. Янги-янги электрон усулда чоп этилган журналлар пайдо бўлмокда.