1. Toshkent viloyatining geografik joylashuvi Toshkent viloyatining turistik salohiyati

Toshkent viloyatida yana bir turizm qishlog'i tashkil etiladi
Toshkent viloyati, Ohangoron tumani “Sanam” mahalla fuqarolar yig'ini hududida zarur infratuzilmani barpo etish, oilaviy mehmon uylari faoliyatini va qo'shimcha turizm xizmatlarini yo'lga qo'yish hamda mahalliy aholini turizm sohasidagi tadbirkorlikka keng jalb etish maqsadida “Ovjazsoy” qishlog'iga “Turizm qishlog'i” maqomini berish yuzasidan targ'ibot ishlari olib borilmoqda. Toshkent viloyatida Turizm qishlog'ini tashkil etishdan maqsad, hududning turizm salohiyatini yanada rivojlantirish, turistlar oqimini yanada ko'paytirish, turistlarni hududning noyob turistik salohiyati va madaniy me'ros obyektlari bilan keng tanishtirish, sayyohlarga qulay shart-sharoitlar yaratish, hududda zamonaviy turizm infratuzilmasining izchil rivojlanishini ta'minlash, zamonaviy talablarga muvofiq ko'rsatiladigan turizm, mehmonxona va transport xizmatlari turlarini kengaytirish, sifatini yaxshilash hamda mazkur sohada faoliyat yuritish istagida bo'lgan tadbirkorlik sub'ektlariga ko'maklashish, ichki turizmni faollashtirish, yangi ish o'rinlari yaratishdan iborat.  Sanam MFY hududiga tegishli Ovjazsoy qishlog'ida bugungi kunda 300 ta xo'jalik va 1750 ta aholi istiqomat qilib keladi. Maydoni 1200 gektardan iborat. Hudud aholisi chorvachilik, dehqonchilik va bog'dorchilik orqali hayot kechiradi.  Qishloqni yuqori qismi ekoturizm (tog' yon bag'ri bo'ylab otda, tuyada va piyoda sayr)uchun juda qulay, shuningdek, agroturizm yo'nalishini ham yo'lga qo'ysa bo'ladi, misol uchun: asalarichilik, bog'dorchilik (yong'oqzor, bodomzor, tog' pistasi va olma), chorvachilik (echki, yilqi, qoramol va kiyik).



3. Toshkent viloyatida turizmni rivojlantirishga doir amalga oshirilayotgan ishlar va qarorlar
2019 — 2021-YILLARDA TOSHKENT VILOYATIDA TURIZM SOHASINI JADAL RIVOJLANTIRISH TO‘G‘RISIDA.
Toshkent viloyatining turizm salohiyatini yanada rivojlantirish, turizm salohiyati yuqori hududlarning o‘zaro bog‘liqligini ta’minlash orqali turistlar sayyohati uchun qulay shart-sharoitlar yaratish, viloyatning o‘ziga xos tabiiy hududlarida yangi turizm yo‘nalishlarini tashkil etish, turistlar oqimini yanada ko‘paytirish, zamonaviy turizm infratuzilmasining jadal rivojlanishini ta’minlash, shuningdek, turizm yo‘nalishlaridagi tadbirkorlik sohasiga ushbu hududlar aholisini keng jalb qilish maqsadida Vazirlar Mahkamasi qaror qiladi:
1. O‘zbekiston Respublikasi Turizmni rivojlantirish davlat qo‘mitasi va Toshkent viloyati hokimligining:
viloyatning Bo‘stonliq, Ohangaron, Parkent, Bo‘ka, Chinoz, Zangiota tumanlari va Angren shahrida zarur infratuzilmani shakllantirish orqali ular o‘rtasida o‘zaro bog‘liqlikni ta’minlash asosida turistlarning uzluksiz sayohatlari uchun qulay shart-sharoitlar yaratish maqsadida ushbu hududlarni “Oltin halqa” turizm konsepsiyasi asosida rivojlantirish; Parkent tumanining “Kumushkon” mahalla fuqarolar yig‘ini hududida zarur infratuzilmani barpo etish, oilaviy mehmon uylari faoliyatini va qo‘shimcha turizm xizmatlarini yo‘lga qo‘yish hamda mahalliy aholini turizm sohasidagi tadbirkorlikka keng jalb etish maqsadida “Kumushkon turizm qishlog‘i”ni tashkil etish to‘g‘risidagi takliflari ma’qullansin.
2. Quyidagilar: “Oltin halqa” turizm konsepsiyasi 1-ilovaga muvofiq;
2020-2021-yillarda Toshkent viloyatida turizm sohasini jadal rivojlantirish va “Oltin halqa” turizm konsepsiyasini amalga oshirish chora-tadbirlari dasturi (keyingi o‘rinlarda Dastur deb ataladi) 2-ilovaga muvofiq; Parkent tumanining “Kumushkon” mahalla fuqarolar yig‘ini hududida “Kumushkon turizm qishlog‘i”ni tashkil etish chora-tadbirlari rejasi (keyingi o‘rinlarda Reja deb ataladi) 3-ilovaga muvofiq; Toshkent viloyatida turizmni rivojlantirish bo‘yicha qo‘shimcha amalga oshiriladigan investitsiya loyihalarining manzilli ro‘yxati 4-ilovaga muvofiq tasdiqlansin.
3. O‘zbekiston Respublikasi Turizmni rivojlantirish davlat qo‘mitasi Toshkent viloyati hokimligi bilan birgalikda: Dasturda va Rejada belgilangan tadbirlar va loyihalarni o‘z vaqtida, to‘liq hajmda sifatli bajarilishining tizimli monitoringini olib borsin va uning natijalarini har oyda muhokama qilsin; muammoli masalalarni joyiga chiqqan holda o‘rganish va ularni tezkorlik bilan hal etish bo‘yicha amaliy choralar ko‘rsin. Dasturda va Rejada belgilangan chora-tadbirlarning bajarilishi holati yuzasidan har chorak yakunlari bo‘yicha keyingi oyning 10-kuniga qadar O‘zbekiston Respublikasi Prezidentining “2018-2019-yillarda turizm sohasini rivojlantirish bo‘yicha birinchi navbatdagi chora-tadbirlar to‘g‘risida” 2017-yil 16-avgustdagi PQ-3217-son qaroriga asosan tashkil etilgan Turizmni rivojlantirish bo‘yicha muvofiqlashtiruvchi kengashga ma’lumot kiritib borsin.
4. O‘zbekiston Respublikasi Iqtisodiyot va sanoat vazirligi Investitsiyalar va tashqi savdo vazirligi hamda Moliya vazirligi bilan birgalikda ushbu qarorga ilovalarga muvofiq markazlashtiriladigan mablag‘lar hisobiga moliyalashtiriladigan loyihalarni 2020-2021-yillar davomida Dasturga kiritilgan loyihalar ko‘rsatkichlarini aniqlashtirgan holda kelgusi yillar uchun O‘zbekiston Respublikasi Investitsiya dasturlari parametrlari shakllantirilishi jarayonida inobatga olinishini ta’minlasin.
5. Mazkur qarorning bajarilishini nazorat qilish O‘zbekiston Respublikasi Bosh vazirining ijtimoiy rivojlantirish masalalari bo‘yicha o‘rinbosari A.A. Abduxakimov, O‘zbekiston Respublikasi Turizmni rivojlantirish davlat qo‘mitasi raisi vazifasini vaqtincha bajaruvchi A.U. Akkulov va Toshkent viloyati hokimi vazifasini bajaruvchi R.Q. Xolmatov zimmasiga yuklansin.