1-topshiriq a Matnni o‘qing va o‘zga tildan o‘zlashgan atamalarni toping

Ilmiy-tadqiqot ishlari

Toshkent davlat texnika universiteti Markaziy Osiyodagi yirik oquv va ilmiy markaz hisoblanadi. Universitetda yosh mutaxassislarni tayyorlash va tarbiyalash masalasi muvaffaqiyatli amalga oshirilmoqda.

Universitet olimlari O‘zbekiston Respublikasi sanoatining ko‘p tarmoqlari va ilm-texnika rivojiga o‘zining katta hissasini qo‘shmoqdalar. Geologiya va tog‘-kon ishi, sanoat ekologiyasi, avtomatlashtirish, sanoat energetikasi va xalq xo‘jaligining turli tarmoqlarida ishlab chiqarishni tashkil qilish hamda iqtisodiyot sohalaridagi olimlarning izlanishlari natijalari chet ellarda ham ma’lum.

Universitetda texnika va texnologiya yo‘nalishlari bo‘yicha ilmiy-tadqiqot ishlari olib boriladi, Osiyo, Afrika, Lotin Amerikasi va Yevropa mamlakatlarining qator o‘quv yurtlari bilan hamkorlikni kuchaytirish, Rossiya, AQSH, Yaponiya, Fransiya, Germaniya, Koreya kabi mamlakatlarning ilm-fan, texnika sohalaridagi yutuqlarini o‘rganish, iqtidorli yoshlarni o‘qishga yuborish, professor-o‘qituvchilar malakasini oshirishda Yevropa andozasi asosida amaliy ishlar qilinmoqda.

5- topshiriq. Quyidagi so‘z birikmalari ishtirokida gap tuzing:

Texnika va texnologiya yo‘nalishlari, yuqori malakali mutaxassislar, ilm-fan yutuqlari, ilmiy-tadqiqot ishlari.