1-Tema. Kirisiw Qaraqalpaq tili mámleketlik til. Qaraqalpaq jazıwı hám onıń tariyxı Tayanısh sózler

1. Qosımsha máni beriwshi janapaylar. Bul túrge kiretuǵın janapaylar ózleri qatnaslı bolǵan sózge yaki gápke hár túrli qosımsha mánilerdi júkleydi. Bunday janapaylardıń ayırımları oy-pikirdi anıqlaydı, isenimli etip beredi, gey birewleri ózi menen baylanısqa túsken sózdiń mánisin júdá kúsheytip kórsetedi, bir qatarları ajıratıw hám sheklew mánisinde qollanıladı, al taǵı birewleri siltew yaki baǵdarlaw mánilerin beredi. Mine, usınday hár túrli mánilik tús beriwlerine qaray olar anıqlaw (ǵoy, dá, aw, naǵız, dál), kúsheytiw (da, de, daǵı, hám, aq), ajıratıw hám sheklew (tek, tek ǵana, bolsa, gilkiy, gil, gileń), siltew (áne, ánekey, mine, minekey) janapayları kiredi.