1-tema: Ilimiy stil hám onıǹ ózgeshelikleri

Orfografiyalıq sózlik

Orfografiyalıq sózlik jazba tildegi sózlerdi ádebiy til qaǵıydası tiykarında durıs jazıw ushın dúziledi. Onda ádebiy tildiń orfografiyalıq qaǵıydaları basshılıqqa alınadı. Orfografiyalıq sózlik alfavit tártibinde beriledi.

Orfografiyalıq sózlikke, tiykarınan, jazılıwı qıyın túbir sózler, túbir sózlerge qosımtalardıń qosılıwı menen jazıwda ózgeriske ushıraytuǵın sózler, birigip, qosılıp hám bólek jazılatuǵın qospa sózler kirgiziledi.

Túbir sózlerge qosımtalar qosılǵanda ózgeriske ushıraytuǵın sózler: xalıq-xalqı, erin-erni, mektep-mektebi, taraq-taraǵı h.t.b.

Awdarma sózlik

Awdarma sózlikler eki tillik hám kóp tillik sózlik bolıp bólinedi. Sonıń ishinde awdarma sózliktiń eki tillik sózligi keń qollanıladı. Házir qaraqalpaq tilinde eki tillik sózliktiń “Russha-qaraqalpaqsha”, “Qaraqalpaqsha-russha” hám “Inglisshe-qaraqalpaqsha” sózlik túrleri dúzilgen.

Eki tillik awdarma sózlikte basqa tillerdiń sózlerin, ásirese, rus sózlerin qaraqalpaq tiline awdarıw yamasa qaraqalpaq sózlerin rus tiline awdarıw jolı menen dúziledi. Awdarma sózliktiń bul eki túri de rus tilin úyreniwde qollanıladı. Mısalı: Beseda- gúrriń, áńgime, sáwbet. Vecher 1.kesh, keshki payıt, aqsham; 2.keshe (ádebiy) hám t.b.