1-sinf matematika darsida tayyorgarlik davrini tashkil etish metodikasi ”

Darsni yakunlash.
Hikoyaga xulosa yasab, quyidagilar haqida o’quvchilarni xabardor qilish mumkin: ,,Vatanni sevmoq iymon’’. Vatan so’zi yoniga ona so’zini qo’shib aytamiz, bu bilan Vatanni onaga qiyoslaymiz. Ona Vatanga mehr qo’yish jonajon maktabga mehr- muhabbat qo’yish bilan barobardir. Dars davomida faol qatnashgan o’quvchilar rag’batlantiriladi.
Uyga vazifa. Rasmga qarab hikoya tuzib kelish.
2- dars
Mavzu: NARSALARNI KATTA –KICHIKLIGIGA KO’RA TAQQOSLASH. NARSALAR SANOG’I
Darsning maqsadi: O`quvchilarni narsalar, tovushlar va harakatlarni sanashga o`rgatish, hayotga bog`lash.
Darsning turi: Yangi mavzuni o`rganish. Suhbat. Aqliy hujum.
Darsning jihozlanishi:

1. 
   1-sinf ``Matematikadan`` darsligi;
   
2. 
   Musiqa asboblari rasmlari, o`yinchoqlar, koptok, shar;
   
3. 
   Matematikadan daftari, rangli qalamlar, ruchka, qora qalam.
   

Darsning borishi:
Darsni tashkil etish.
Darslik bilan ishlash. O`quvchilarning e`tiborini darslikning 4-betidagi rasmga qaratib: ``Unda nimalarni ko`rayapsiz?``,- degan savol orqali yangi mavzu bilan tanishtiriladi.

• 
  Bolajonlar darslikka yaxshilab qarang, qanday musiqa asboblarini ko`ryapsiz, ular qanday tovush chiqaradi? Shu haqida gapirib bering.
  
• 
  Rasmda nimalarni ko`rayapsiz?
  
• 
  Rasmda katta-kichikligi har xil bo`lgan koptoklar, sharlar bor. (koptokni qo`llariga olib ushlab, aylantirib, sakratib ko’rish.)
  
• 
  Katta koptoklar nechta? Sanab aytib bering.
  
• 
  Katta koptoklar 3ta.
  
• 
  Kichik koptoklar nechta? Sanab aytib bering.
  
• 
  Kichik koptoklar 3ta.
  

Xuddi shunga o`xshab sharlarni katta-kichikligini taqqoslab sanatish mumkin. Shar ustida amaliy mashq. Uning o`pka uchun puflaganda foyda bo`lishi haqida gapirib keting.

• 
  Katta shakldagi sharlar nechta ekan? Ularning rangi qanaqa?
  
• 
  Kichik shakldagi sharlar nechta ekan? Sanab aytib bering.
  
• 
  Katta shakldagi she`rlar ko`pmi, kichik rangdagi sharlar ko`pmi? Taqqoslab aytib bering. Koptok va sharni qiyoslash.
  
• 
  Kimning xonadonida bunday musiqa asboblari bor?
  

Darslikda berilgan musiqa asboblarining tovushi har xil ekanligi haqida gapirib beriladi. Ko`rinishini qiyoslash.

Bu musiqaning tovushini eshitgan bulbul ham syrab yubordi deb, shoxdagi bulbullar rasmini ko`rsatish darkor. ``Bolajonlar qushlarning ovozini eshitganmisiz? U erta bahorda kelib, bog`larda sayrab, hammaning dilini xushnud etadi``,- deb tushuncha beriladi.

Daftar bilan ishlash. Matematikadan daftari kataklardan iborat ekanligi va darslikning pastgi qismida chizilgan shakl bilan tanishtiriladi. ``Uni daftarga chizish uchun biz ruchka ushlash qoidasini o`rganishimiz kerak``. Ruchka ushlash uchun uch barmoq ishlatilishi zarurligini ko`rsatib tushuntiriladi.
So`ng havoda yozib ko`rsatilgan shakl, elementlarni daftarga yozib, ko`rsatib beriladi. Dars davomida yozishga qiynalgan o`quvchilarning qo`lidan ushlab yozdiriladi.
D a m o l i sh d a q i q a s i d a ``Besh barmoq`` o`yini.
Bosh barmoq maktabga boraman deydi,
Ko`rsatkich barmoq men ham qolmayman deydi,
O`rta barmoq qo`shiq aytaman deydi,
Yordamchi barmoq rasm solaman deydi,
Kichkina barmoq dono bo`laman deydi.

• 
  Yozilgan shaklga e`tibor bering, nima hosil bo`ldi?
  
• 
  Bayroqchalar hosil bo`ldi.
  

Javob olingandan keyin, o`quvchilar diqqatini bayroqchalarning rangiga qaratish lozim.