1-семестр/ 2021-2022 ўқув йили

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ


ТОШКЕНТ ДАВЛАТ ИҚТИСОДИЁТ УНИВЕРСИТЕТИ

“ТАСДИҚЛАЙМАН” Ўқув ишлари проректори Проф. М.П.Эшов 2021___ йил“___”___________

ЛОГИСТИКА
ФАН СИЛЛАБУСИ

Билимсоҳаси:	400000 – Ижтимоий соҳа, иқтисод ва ҳуқуқ
Таълимсоҳаси:	410000 – Иқтисод
Таълимйўналиши:	70410301-Логистика

Тошкент – 2021
Фан тўғрисида маълумот
Фан коди: INTCI 7.5
Фан номи: Логистика
Семестр/Йил: 1-семестр/ 2021-2022 ўқув йили
Кафедра: Бизнес бошқаруви ва логистика
Соатлар/кредитлар миқдори: 7.5 6 ECTS (90 аудитория соати)

Маъруза	Амалий машғулот	Мустақил таълим	Жами
42	48	135	225

ФАН БЎЙИЧА МАШҒУЛОТЛАРНИНГ ЖОЙЛАШУВИ:
Аудитория вақти: Дарс жадвалига асосан
Пререквизитлар:
Фан учун масъул кафедра: Бизнес бошқаруви ва логистика кафедраси
ЎҚИТУВЧИ ТЎҒРИСИДА МАЪЛУМОТ
ЎҚИТУВЧИ: Карриева Якутдан Каримовна
Кафедра жойлашган жойи: ТДИУ, 7-ўқув биноси, 317-хона
Телефон: [phone] иш телефони
E-mail: [e-mail]
Талабаларни қабул қилиш вақти: Талабалар дарсдан ташқари вақтда ўқитувчи билан учрашиш учун ўқитувчи электрон почтасига хат билан мурожаат қилиб учрашув вақтини белгилаб олишлари мумкин.

I. Фан тавсифи

• 
  Ушбу фан “Логистика” деб номланиб, унда иқтисодиётни янгилаш ва модернизация қилиш шароитида логистикага кириш, унинг асосий принциплари, фаолиятини моддий ресурслар билан таъминлаш, логистиканинг моҳияти ва зарурлигини кўриб чиққан ҳолда, талабаларда шу соҳада назарий ва амалий профессионал билимини шакллантириш, логистикани вужудга келишининг мазмун-моҳиятини очиб бериш, логистиканинг мақсади, вазифалари ва функцияларини кўриб чиқиш, логистиканинг объекти ва субъектини кўриб таҳлил қилиш, логистика тизимидаги иқтисодий оқимларнинг турларини таҳлил қилиш, логистикада менеджментнинг моҳияти ва тамойилларини ўрганиш, логистикада заҳираларни бошқариш заруриятини ўрганиш, логистика трансакцион операциялар моҳиятини очиб бериш, логистикада рискларни бошқаришни ўрганиш, логистикада бошқарув стратегиялари ва инновацияларни ўрганиш, логистиканинг самарадорлигини таҳлил қилиш, кенгайтириш имкониятлари ва уни рақобатга бардош бера олиш усул ва йўлларини билиши ва улардан фойдалана олиши кераклигига алоҳида эътибор қаратилади.
  

Фан 13 мавзуни қамраб олган. Биринчи мавзу Логистикага кириш фанининг умумий асослари курси, унинг мақсади ва вазифалари, курснинг долзарблиги, логистикага кириш фани тўғрисида фикрларни шакллантириб, стратегик қарорларни қабул қилиш фикрлаш кўникмаларини шакллантиради. Иккинчи мавзуда Ўзбекистон Республикасида логистика хизматининг ҳуқуқий асосларига бағишланган: автомобиль транспорти тўғрисидаги қонун ҳужжатлари тўғрисида тушунча, автомобилда ташиш турлари, ташиш шартномасидан келиб чиқадиган мажбуриятлар бўйича жавобгарлик, ташувчи ва мижознинг ҳуқуқ ва мажбуриятлари келтирилган. Учинчи мавзу логистика тизимининг замонавий концепцияси, логистик концепцияси тизимининг шаклланиши. Логистик хизмат даражаси концепцияси, Логистиканинг асосий моҳияти ҳамда логистик хизмат кўрсатишнинг сифат мезонлари, логистик концепциянинг сифат кўрсаткичлари, замонавий логистик тизимининг асосий йўналишлари, логистиканинг асосий тушунчаларининг концепцияси, логистик тизимини шакллантириш, логистикада захиралар ва моддий оқимлар тушунчаси, замонавий логистикада моддий оқимлар тушунчаси ҳақида маълумот беради. Тўртинчи мавзу логистикада моддий оқимларни бошқариш ва тақсимлашни ташкил килиш, моддий оқимларни ташкил этиш ва бошқариш, моддий оқимларни бошқариш тизими ва унинг турлари, заҳираларни бошқариш тизимида харажатлар ва заҳираларни назорат қилиш ва бошқариш стратегиялари, логистикада ахборот оқимларини инновациялар ёрдамида бошқариш усулларини ёритиб беради. Бешинчи мавзуда логистикада режалаштириш ва стратегиялар ишлаб чиқиш, логистик режалаштиришнинг асосий нуқтаи назарлари, логистикада эксперт қарорлари ва эксперт тизимлари, логистика фаолиятининг стратегияси ва унинг турлари, логистик менеджерлар томонидан фойдаланиладиган башоратлаш хусусиятлари тавсифланади. Олтинчи мавзуда транспорт логистикаси логистикада транспорт турлари тўғрисида тушунча, транспорт тарифлари ва уларни қўллаш қоидалари, автомобил транспорти, темир йўл транспорти, ҳаво ва сув транспорти орқали товарлар ташишнинг ўзига хос хусусияти ҳақида фикрлар баён этилади. Еттинчи мавзу логистикада заҳираларни бошқариш тизими логистикани заҳираларни бошқаришда молиявий кўрсаткичлар зарурлиги жараёнини тасвирлайди. Саккизинчи мавзуда логистика тизимида моддий ресурсларни омборхонага жойлаштириш ва тақсимлаш, омбор хўжалигининг моҳияти ва унинг аҳамияти, омборхона турлари тўғрисида тушунча, омборхонада юкларни жойлаштириш тартиб таомиллари, омбор хўжалиги ва таъминотлари тушунтирилади. Тўққизинчи мавзу харид қилиш логистикаси, харид қилиш логистикасининг моҳияти, харид қилиш логистикасида махсулотларни «аниқ муддатларда» етказиб бериш тизими ва инновациялар, харид қилишнинг ишлаб чиқариш, сотиш, омборларда сақлаш, транспортларда ташиш, ҳамда маҳсулот етказиб берувчилар билан бўладиган ўзаро алоқаларни мувофиқлаштиришни аниқлашга бағишланган. Ўнинчи мавзуда логистика тизимида бошқарувни ташкил этиш, стратегик, тактик ва оператив мақсадлар, макрологистик ва микрологистик тизим тўғрисида тушунча, логистика тизимида бошқарув жараёни, логистика тизимининг менежмент ва маркетинг билан ўзаро боғлиқ жихатлари тушунтирилади. Ўн биринчи мавзуда логистикада сервис ҳизматларини ташкил этиш, логистик сервис тизимининг шаклланиши, логистик хизмат кўрсатиш ҳақида тушунча ва логистик хизмат кўрсатиш тизимини шакллантириш ёритилган. Ўн иккинчи мавзуда логистик хизмат даражаси ва логистик хизмат кўрсатишнинг сифат мезонлари, хизмат кўрсатиш ҳаражатларнинг хизмат даражасига боғлиқлиги, транспорт ва савдо ҳужжатлари, транспорт тизимини ахборотлар билан таъминлашни ўрганишга бағишланган. Ўн учинчи мавзуда халқаро транспорт ташувлари ҳақидаги конвенциялар, халқаро юкларни ташишни ташкил этишнинг логистик элементлари, транспорт турларининг асосий кўрсаткичлари, умумий тушунчалар, халқаро транспорт йўлаклари тушунчаси, унинг моҳияти ва мақсади, транспорт турини танлаш бўйича логистик жараёнлар ёритилган.