1. Reproduktiv salomatlik haqida tushuncha bering. Reproduktiv salomatlik

10.  Infeksiya va infeksion jarayon to’g‘risida tushuncha  bering. 

Infeksion kasalliklar butun jahonga tarqalgan. Odamga yuqishi mumkin bo’lgan infeksion kasalliklarning 2500 dan ko’proq  xili ma'lum. 

Bularni  turli-tuman  mikroorganizmlar:  bakteriyalar  va  viruslar,  sodda  jonivorlar  va  rikketsiyalar,  spiroxetalar,  aktinomisetlar  va 

zamburug‘lar keltirib chiqaradi. 

«Infeksiya» so’zi lotincha infectio - yuqtirmoq, iflos qilmoq, nimanidir tashqaridan kiritmoq degan so’zdan kelib chiqqan. Hozirgi vaqtda 

mikroorganizm  bilan  xo’jayin  organizmi  o’rtasidagi  murakkab  o’zaro  ta'sir  jarayonini  «infeksiya»  termini  bilan  belgilanadi.  Bu  — 

mikroorganizm bilan patogen mikroblar o’zaro ta'sirining har qanday shaklini o’z ichiga oladigan biologik hodisadir. Organizmning normal 

fiziologik funksiyalarini izdan chiqaradigan infeksion jarayon infeksion kasallik shaklida namoyon bo’lishi mumkin. Bunday kasallikning 

klinik manzarasi muayyan qo’zg‘atuvchi keltirib chiqaradigan kasalliklar uchun xarakterli bo’ladi. Vaboning klinik manzarasi chin chechak 

kasalligidan, brusellyozning klinik manzarasi tulyaremiyadan, toshmali tifning klinik manzarasi qorin tifidan boshqacha bo’ladi. Infeksion 

kasallik ba'zan yengil, atipik yoki turli kasalliklarga o’xshab ketadigan, bilinmas formalarda namoyon bo’ladi. Infeksion jarayon kasallikning 

ko’zga ko’rinib turadigan klinik belgilarini bermasligi ham mumkin. Infeksiyaning yashirin formalari deb ana shunga aytiladi. Va, nihoyat, 

kasallik qo’zg‘atuvchisining xo’jayin organizmiga kirishi kasallikning klinik belgilarini keltirib chiqarmasdan, tashuvchanlik (difteriya bilan 

meningitda bakteriya tashuvchanlik, vaboda vibrion tashuvchanlik va h. k.) holatiga olib keladi.