1. Rejalash asboblaridan foydalanish

Talabalar duch keladigan qiyinchiliklar va yo‘l qo‘yadigan xatolar hamda ularning oldini olish
Ishqalab moslash usullarini o‘rganishda to‘g‘rilangan (rixtovka qilingan) ѐxud notekis zagotovkalar berilsa, talabalar qiynalib qoladilar. Chunki bunda dastlabki ishqalab moslash uchun ko‘p vaqt ketadi (ko‘pincha bu natija ham bermaydi).
Talabalar xatoga yo‘l qo‘yib, ishkalagichga jilvirlovchi kukundan ortiqcha surkaydilar, bu esa ishqalab moslashni tezlashtirish o‘rniga sekinlashtiradi. Ishqalagichga kukunni yupqa, tekis qatlam tarzida surkash va albatta, ishqalagich sirtiga botirish lozim. Bu ishni qizdirilgan valik bilan bajarish oson. Ishqalagichni sovitish kerak (kerosin va mashina moyi ishlatilgani ma’qul). Talabalar detallarning konussimon tutashmalarini ishqalab moslashda katta xatoga yo‘l qo‘yishadi: tiqini faqat aylantirish yo‘li bilan va teshikdan chiqarmasdan ishqalaydilar;
to‘g‘ri ishqalab moslash esa detalni har ikki tomonga aylantirib ―taqillatib‖ bajariladi, ya’ni tiqin aylantirilishi bilan bir vaqtda qisman teshikdan chiqarilishi va yana kiritilishi kerak.