1. psixologik trening haqida tushunchA. Uning maqsad va vazifalari. Trening xaqida tushuncha. Psixologik treningning maqsadi va vazifalari

Kutishlarni aniqlash bosqichi.

Trening mashg‘ulotiga kelayotgan har bir ishtirokchi o‘z muammolarining hal bo‘lishini kutib kelishi sir emas. Lekin guruh a’zolarining har biridan treningdan nimalar kutayotganligini so‘rash tavsiya etiladi. Trener ularning kutishlarini bilib shunga qarab o‘zining dasturiga o‘zgartirishlar kiritishi va ishlarini rejalashtirishi mumkin.

Kutishlarni aniqlash bosqichida guruh a’zolari aylana bo‘ylab o‘tirganlari holda o‘zlarining treningdan nima kutayotganligini, o‘zini xavotirga solayotgan holatlar yoki ularga yoqmayotgan jihatlar yuzasidan e’tirozlarini aytib chiqishlari so‘raladi. Trener barcha ishtirokchilarning fikrlarini, ularga baho bermasdan, muhokama qilmasdan, hayron bo‘lmasdan, hayrixohlik bilan eshitishi va har bir ishtirokchiga o‘z kutuvini boshqalar bilan baham ko‘rgani uchun minnatdorchilik bilidirishi lozim.

Mana shu jarayonlar to‘liq bajarib bo‘linganidan so‘nggina guruh ishlash uchun tayyor hisoblanadi va trener asosiy mashg‘ulotlarni boshlashi mumkin. Ya’ni ishni olib borish bosqichiga o‘tish mumkin buladi.