1. Oyna romlarini kichik ta’mirlash Qishda issiqlikni saqlash usullari Tayanch so‘zlar

Peshayvonni sovuq kirmaydigan qilamiz. Qanday qilib xato qilmaslik mumkin? Ko‘pchilik xonadonning yashash maydoniga ortiqcha bir - ikki metr qo‘shish uchun peshayvonlarni sovuq kirmaydigan qilishadi. Yilning sovuq vaqtida oynavon qilinmagan va isitilmaydigan peshayvonda - zax, nam va sovuq hukmron bo‘ladi.

Shuning uchun 90% xonadon egalari uni isitishga harakat qiladilar. Kimdir buni mustaqil ravishda bajaradi, kimdir esa tajribali ustalarga murojaat qiladi.

Agar siz peshayvonni mustaqil ravishda isitishga qaror qilgan bo‘lsangiz, unda qanday qilib isitish, qanday materiallardan foydalanish va isitishda xatolarga yo‘l qo‘ymaslik to‘g‘risidagi ma’lumotlar siz uchun foydali bo‘ladi.

Tayyorgarlik. Peshayvonni ko‘rib chiqish va bajarilishi lozim bo‘lgan ishlar rejasini tuzib olish lozim. Isitish usulini tanlab va rejalashtirilgan ishlar va materiallar smetasini tuziladi.

Peshayvonni isitishning ikki turi mavjud:

Birinchisi - xonadon ichidagi romni va eshikni olib tashlash, va peshayvonni xonaning bir qismiga aylantirish. Bu holda ichki deraza tokchasining pastki blokini olib tashlash shart emas, chunki u peshayvon pol konstruksiyasining bir qismi hisoblanadi. Yaxshisi uni bar peshtaxatasiga yoki akvarium osti polkasiga aylantirgan ma’qul. Yana, shuni ham e’tiborga oling, agar siz peshayvonni xonaning bir qismiga aylantirmoqchi bo‘lsangiz, unda issiqlik izolyatsiyasini ikki qavat qilishingiz lozim bo‘ladi.

Ikkinchi variant - peshayvonni oynavon qilish hamda devor va polni isitish. Shuni ham nazarda tutingki, agar faqatgina oyna paketli derazalar qo‘yilsa hamda pol va devorlar isitilmasa, unda qish mavsumida juda kam miqdorda issiqlik olasiz. Bundan tashqari, muz qatlami yoki devorlarda terchilanish hosil bo‘lish xavfi paydo bo‘ladi, bu esa zamburug‘ va mog‘or paydo bo‘lishiga olib keladi.