1. Oyna romlarini kichik ta’mirlash Qishda issiqlikni saqlash usullari Tayanch so‘zlar

2.Qishda issiqlikni saqlash usullari. Barchaga ma’lumki, kichik va o‘rta quvvatga ega bo‘lgan mahalliy isitish qozon-qurilmalari ortiqcha yoqilg‘i sarfiga ega bo‘lishi bilan birgalikda atrof muhitni sezilarli darajada noekologik holatga olib keladi. Shuning uchun o‘lkan issiqlik stansiyalari (IS)ning ko‘paytirilishi qo‘shimcha yoqilg‘i qazib olishdan xalos etishiga olib kelishi turgan gap. Ma’lumki, kommunal-xo‘jalik, turar joy va jamoat binolari uchun sarf bo‘layotgan issiqlik miqdorining (binolarni isitish, ventilyatsiya, havo konditsiyasi va issiq suv ta’minoti) asosiy sarfi binolarni isitish uchun bo‘lgan xarajatdir. Xona ichidagi insonlar uchun mu’tadil mikroiqlim-komfort sharoitini yaratish va texnologik jarayonlar talabiga asosan sarf bo‘lgan issiqlik miqdorini hamda binoning tashqi to‘siqlari orqali (tashqi devor, tom usti yopilmasi, tashqi deraza, tashqi eshik va pol) yo‘qotiladigan issiqlikning umumiy miqdorini to‘ldirish uchun sun’iy tarzda isitish tizimlari va asboblari vositasida isitish usuliga binolarni isitish deb aytiladi. Zamonaviy isitish tizimlari va asboblari inson salomatligini, ijodiyatining samarali holatini yaratish va inson o‘zini yaxshi sezishi uchun qulay sharoit yaratilishi uchun xizmat qilishi lozim. Bu "qulay" sharoitning optimal sanitariya-gigiyena talablarining turar joy, jamoat va sanoat binolari uchun mo‘ljallangan miqdorini yaratish issiqlik qurilmalarining butun bir kompleks tizimlari, asboblari o‘z zimmasiga oladi. Bunday jixozlarni umumiy holda isitish tizimlari deb aytiladi.