1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

Ko’rgizbeli  printsipi.  Bul  printsip  shınıg’ıwlardı  tu’sindiriwdi,  ko’rsetip 

beriwdi  h’a’m  ko’rgizbeli  qurallardan  paydalanıwdı  ko’zde  tutadı.  Ko’rgizbeli 

printsip  oqıwshılardın’  o’tilip  atırg’an  materialg’a  qızıg’ıwshılıg’ın  artıradı, 

shınıg’ıwlardı  o’zlestriw  protsessin  an’satlastıradı,  h’a’reket  ko’nlikpelerin 

bekkemlewge ja’rdemlesedi. 

Gimnastika  sabaqlarında  ko’rgizbeli  printsip  u’lken  a’h’miyetke  iye. 

Ko’rgizbeli qurallar arqalı oqıwshılar shınıg’ıw xaqqında tu’sinigin teren’lestiriedi 

anıq  mag’lıwmatqa  iye  boladı.  Bull  printsip  u’yrenilip  atırg’an  shınıg’ıwlardın’ 

qa’te-kemshiliklerin,  olardın’  texnikalıq  tiykarın,  h’a’rekettin’  bir-biri  menen 

baylanıslıg’ın  anıqlawg’a  ja’rdemlesedi.  Ko’rgizbeli  qurallar  oqıwshılardın’ 

dıqqatın  bir  jerge  ja’mleydi,  belsendiligin  h’a’m  sabaqqa  degen  qızıg’ıwshılıg’ın 

arttıradı. 

Gimnasikalıq  shınıg’ıwlardı  u’yretiwde  ko’rgizbeli  printsip  to’mendegi 

metodikalıq a’mellerge boysınadı. 

1). Shınıg’ıwdı orınlap ko’rsetip beriw. Bull a’meldi kishi jastag’ı oqıwshılar, 

baslang’ısh topar oqıwshıları menen sabaq o’tkende h’a’m taza shınıg’ıw u’yrengen 

waqıtta  ken’nen  qollanıladı.  Shınıg’ıwdı  ko’rsetiwde  onın’  texnikalıq  negizin 

qurıwshı tiykarg’ı elementlerge kewil bo’liw tiyis. Shınıg’ıwdı orınlap ko’rsetkende 

durıs texnikag’a iye jaqsı tayarlang’an oqıwshıdan paydalanıwg’a boladı. 

2). Ko’rgizbeli printsipte shınıg’ıwdı so’z benen tu’sindiriw de qollanıladı. So’z 

benen  tu’sindiriw  –  h’a’reket  ko’rnisin  qa’liplestiriw,  h’a’reket  texnikasın  h’a’m 

---

olardıwyreniw a’mellerin tu’sinip jetiw, qa’te-kemshilikti tu’siniw h’a’m olardı joq 

etiw sıyaqlı maqsetti aldına qoyadı. 

3). Sport a’meliyatında ko’rgizbeli qurallardan: video proektorlar, kinofilmler, 

shınıg’ıw texnikası sızılg’an bannerler, h’a’r qıylı su’wretler h’.t.b. qurallar ken’nen 

paydalanıladı.  Olar  shınıg’ıw  xaqqında  tu’sinikke  iye  bolıwg’a,  shınıg’ıya 

texnikasın tu’siniwge, waqıt h’a’m ken’islik xaqqında tu’sinikke iye bolıwg’a h’a’m 

shınıg’ıyadı o’zlestiriwge ja’rdemlesedi.