1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

U’yretiw metodları 

Dene  ta’rbiyasında  u’yretiw  metodı  dep  pedagog  h’a’m  oqıwshının’  aldına 

qoyılg’an  wazıypanı  sheshiwge  ja’rdemlesiwshi  a’melge  aytıladı.  Gimnastika 

shınıg’ıwların u’yretiw metodlarının’ ayrımlarına toqtap o’temiz. 

Programmalastırıw metodı.  Taza  shınıg’ıwdı  u’yretiwden  aldın oqıtıwshıda 

islenetug’ın h’a’reketlerdin’ tolıq programması bolıwı kerek (tapsırmalardın’ izbe-

izligi, qadag’alaw h’a’m  qa’te-kemshiliklerdi  du’zetiw  a’melleri,  quralları  menen 

ta’miynleniwi). 

Bunday  jobalastırıwdın’  bir  forması  bul  h’a’reketke  u’yretiw  protsessin 

algaritmlestiriw  bolıp  tabıladı.  Bunda  oqıw  materialın  bo’limlerge  bo’lip  (oqıw 

wazıypalarg’a)  qatan’  izbe-izlikte  orınlaw  talap  etiledi.  Algaritmlik  jobalastırıw 

to’mendegi talaplarg’a juwap beriwi kerek: 

-  oqıwshılardın’  mu’mkinshiliginnen  kelip  shıqqan  h’alda  olardın’  orınlaw 

kerek bolg’an h’a’reket sapaları anıq ko’rsetiliwi kerek; 

-  du’zilisi  jag’ınan  uqsas  shınıg’ıwlar  seriyasın  yamasa  anıq  bir  shınıg’ıwdı 

u’yretiw; 

-  barlıq  oqıw  wazıypalarının’  qıyınlasıp  barıwı  boyınsha  izbe-iz  jaylastırıw 

h’a’m olar bir-biri menen baylanıslı bolıwı kerek. 

Ha’r  bir  seriyadag’ı  jazılg’an  tapsırmalar  belgili  bir  wazıypanı  sheshiwge 

qaratılg’an bolıwı tiyis (fizikalıq sapanı rawajlandırıwg’a, da’slepki yamasa aqırg’ı 

jag’daylardı o’zlestiriwge, tiykarg’ı h’a’reket xızmetlerin u’yreniwge h’.t.b.).  

Ayrım  h’a’reketler  ushın  u’yretiw  programması  programmalastırıwdın’ 

shaqalarg’a bo’lingen tipinde jazılıwı mu’mkin. Olar: 

- belgili h’a’reket du’zilisi onın’ ayrım fazasın tu’sindiriwdi; 

- jeke h’a’m tiykarg’ı wazıypalardı anıqlawdı; 

-  shınıg’ıwdı  u’yreniwden  aldın  oqıwshıdan  talap  etiletug’ın  h’a’reket 

ko’nlikpeler bazası h’a’m u’yrenilip atırg’an shınıg’ıwdı tu’sindiriwdi; 

- h’a’reket wazıypasının’ izbe-izligin; 

-  ko’pshilik  jag’dayda  jiberiletug’ın  qa’te-kemshiliklerdi  du’zetiwdi  h’a’m 

h’a’reketti o’zlestiriwdi qadag’alap barıw ushın wazıypalardı (qurallardı) tan’lawdı  

o’z ishine kamtıydı.  

Solay  etip,  programmalastırıw  metodı  taza  shınıg’ıyadı  u’yreniwde  h’a’m 

oqıwshılardı durıs sho’lkemlestriw formaların tan’lawda na’tiyjeli jol bolıp tabıladı.