1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

Shınıg’ıwdı  jaqsı  o’zlestiriw  printsipi.  Gimnastikalık  ko’nlikpelerdi  jaqsı 

o’zlestiriw  tek  g’ana  h’a’r  ta’repleme  fizikalıq  rawajlanıw  tiykarında  a’melge 

asırıladı.  Ku’sh,  iyiliwshen’lik,  arnawlı  h’a’m  ulıwma  shıdamlılıqtın’,  h’a’reket 

koordinatsiyasının’  jetkiliksiz  da’rejede  rawajlanıwı  turaqsız  ko’nlikpelerge  alıp 

keledi,  al  olardı  o’zlestiriw  protsessii  az  na’tiyjeli  boladı  h’a’m  uzaq  waqıtqa 

sozıladı. 

Bul printsipti a’melge asırıw ushın to’mendegi jag’daylardı yadta tutıw kerek: 

1). Ha’reket ko’nlikpesin jaqsı o’zlestiriw elementlerdi ko’p ma’rtebe qaytalaw 

arqalı  a’melge  asırıladı.  Biraq  qaytalawlar  tek  mexanikalıq  bolıp  qalmawı  kerek. 

Olar  na’tiyjeli  bolıwı  ushın  belgili  bir    maqsetke  qaratılg’an  bolıwı  tiyis  yag’nıy 

shınıg’ıw texnikasın du’zetiw, olardı orınlawdı jaqsılaw h’a’m jetilistiriw. 

2). Birden ko’p sandag’ı shınıg’ıwlardı u’yretiwge bolmaydı, sebebi oqıwshılar 

bir waqıttın’ o’zinde h’a’r qıylı tapsırmalardı jaqsı o’zlestire almaydı. 

3). Materialdı  jaqsı bekkemlew ushın shınıg’ıwdı h’a’m trenirovka jag’dayın 

o’zgertiriw kerek. 

4).  Taza  materialdı  u’yretiw  burın  o’zlestirilgen  h’a’reket  bazasında  qurılıwı 

kerek,  al  taza  shınıg’ıwdı  jetilistiriw  aldın  u’yrenilgen  shınıg’ıwdı  teren’irek 

o’zlestiriwge ja’rdemlesiwi tiyis.