1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

U’yretiw printsipleri 

Gimnastika shınıg’ıwların u’yretiw printsipleri to’mendegilerden iborat: 

Sanalıq  h’a’m  belsendilik  printsipi.  Joqarı  sport  na’tiyjelerge  erisiw  ushın 

gimnast,  trenirovka  barısı  menen  baylanıslı  barlıq  talaplardı  sanası  menen  an’lap 

jetiwi h’a’m teren’ tu’siniwi kerek. O’zin belgili bir rejimde tutıp jetiskenligin h’a’m 

kemshiliklerin analizlep  biliwi tiyis. Oqıwshılar shınıg’ıwdın’ tiykarın an’lap jetse 

bul  shınıg’ıwdı  o’zlestiriwi  an’satlasadı.  Oqıwshılarg’a  alg’an  bilim,  ko’nlikpe 

h’a’m uqıblıqların sanalı tu’rde tek sporta emes, al miynette kerek bolsa Watandı 

qorg’awda paydalanıwdı u’yretiw kerek. 

Sanalıq  printsipi  belsendilik  printsipi  menen  ju’da’  tıg’ız    baylanıslı.  Ol  o’z 

gezeginde sport sheberligin jetilistiriwdin’ ma’jbu’riy jag’dayı bolıp tabıladı.