1-мавзу. Замонавий информатика курсининг тузилиши ва асосий тушунчалари

Форумларда иштирок этиш тартиби:
- форумдан рўйхатдан ўтиш. Форум қоидаларига ва Ўзбекистон Республикаси қонунларига риоя қилиш шарт;
- форумдан рўйхатдан ўтишда расмий шахслар логин учун ўзларининг хақиқий маълумотларини исм шарифи, шунингдек иш жойи ва лавозим хам мажбурий шартларга киради;
- маълумотларни киритиш билан бирга фойдаланувчи сурат ҳам тақдим этиши лозим;
- инсонлар шахсиятига тегадиган, Ўзбекистон Республикаси Конститутцияси ва қонунларига зид муҳокамалар таъқиқланади;
- Ўзбекистон Руспубликаси қонунларига мувофиқ тарзда фаолият олиб бормайдиган сайтларга ишорат жойлаш ёки шундай маълумотларга эга бўлган сайтлардан маълумот жойлаш таъқиқланади.
Интернет орқали сўзлашув. Интернет орқали ўзаро мулоқот деганда икки ёки ундан ортиқ фойдаланувчиларнинг бир вақтни ўзида, бир-бирлари билан интернет тармоғи орқали алоқа ўрнатилиши тушунилади.
Интернет орқали видео мулоқот деганда фойдаланувчилар бир бирларини компьютер экранида (он-лайн тарзда) кўриб турадилар, яъни фойдаланувчиларнинг ҳаракатли тасвирлари бир-бирларига узатилади.
3. Интернет тармоғи видео материаллари
- Аудио ва видео материаллар;
- Кино ва ТВ намойишлар;
- Мусиқа, янгиликлар ва анимациялар намойиши MP3.uz, Melody.uz, Cinema.uz;
- Ўқитиш, илм-фан ва техника ютуқлари намойиши.
Ўқитиш, илм-фан ва техника ютуқлари намойиши. Интернет тармоғида ўқитиш учун мўлжалланган порталлар кейинги вақтларда кескин кўпайди. ZiyoNET портали бунинг яққол намунасидир.
ZiyoNET жамоат таълим тармоғи 2005 йил ҳукумат қарорларига мувофиқ ташкил топган. ZiyoNET тармоғининг асосий мақсади таълим тизимида республика ёшлари ҳамда таълим олувчиларнинг билим олиш жараёнида ахборот-коммуникация хизматларини тадбиқ этишдир.
ZiyoNET тармоғи Ресурс марказининг асосий вазифалари қуйидагилардан иборат: Таълим муассасаларини улаш мониторинги; Веб-технологиялар орқали ахборот ресурслардан кенг қамровда ва хавфсиз фойдаланиш; Ахборот-таълим ресурсларини бирлаштирадиган технологик майдончани тузиш ва ривожлантириш.
Ёшларни, ўқитувчиларни таълим муассасалари ва таълим соҳасига боғлиқ ёки қизиққан бошқа ижтимоий қатламларни ўзаро бирлаштирадиган виртуал жамиятни яратиш.
Иқтисодий информатика мазмунида иқтисодий масалаларни замонавий ахборот технологиялари ёрдамида қайта ишлаш, узатиш, бошқариш ҳамда ахборотларни маълумотлар базасини бошқариш тизимларида автоматлаштириш масалалари тўғрисидаги асосий тушунчалар ўрганилади.
Ўзбекистон Республикасида иқтисодий информатикани ривожлантириш тамойиллари қуйидагилардан иборат.
Биринчидан, замонавий ахборот технологиясини ривожлантириш, давлат муассасалари ва хўжалик субектлари, муассаса ва ташкилотлар, хусусий шахслар учун ахборот хизматини йўлга қўйиш.
Иккинчидан, иқтисодиёт, фан, таълим, ижтимоий соҳада ахборот тизимларини шакллантиришга кўмаклашиш.
Учинчидан, республиканинг жаҳон ахборот тизимлари ва халқаро тармоқларга уланишни таъминлаш.
Ҳозирги пайтда ахборот ҳажмининг ортиши ва унинг мураккаблик даражасининг юксалиши ахборот индустриясини барпо этиш талаб этмоқда.
Иқтисодий ахборот – ахборотнинг энг муҳим турларидан бири ҳисобланади. Иқтисодий ахборот тушунчаси ишлаб чиқариш жараёнлари, моддий ресурслар, бозорлар, банк ва молия муассасалари фаолияти билан тўғридан тўғри боғлиқдир.
Ахборот технологияларининг ривожланиши иқтисодий информатиканинг ривожига, иқтисодий информатиканинг ривожланиши ахборот инфратузилмасининг кенгайишига, яьни ахборотлашган жамиятнинг шаклланишига олиб келади.