1-Mavzu: XI xv asrlarda Angliya Mustahkamlash uchun savollar

Biroq, Chexiya va Germaniya ittifoqining yana bir salbiy tomoni bor edi. Chexiya qirollari ichki german o’zaro urushlari va fitnalariga tortilgan edilar. Chexiya qirollarining o’zlari imperatorlik toj – taxtiga da’vogarlik qilar edilar. Gohida ular boshqa german feodallari bilan birgalikda yoxud slavyan xalqlariga qarshi, yoki slavyanlarga qon - qardosh va ittifoq bo’lgan xalqlarga qarshi urushlarda qatnashardilar.

10. Imperator Sigizmund Gusni shaxsan muxofaza qilib, unga qo’riqlov yorlig’i berdi. Gus o’zi aytganidek, ―xaloyiq oldida haqiqatni ochib bermoq uchun‖ ya'ni cherkov sabori oldida o’z ta'limotining haq ta’limot ekanligini himoya qilmoq uchun Konstantsga jo’nadi. Ayni paytda uning obro’-e'tibori papaning obro’ – e'tiboridan baland edi. Biroq Konstantsiga kelishi bilan Yan Gus darhol qamoqqa olindi. Yepiskoplar sabori uning gapini ham eshitishni istamasdan, uning yeretik sifatida o’tda kuydirish to’g’risida hukm chiqardilar. Imperator Sigizmund o’z so’zidan xoinona qaytib Gusga yordam berishni istamadi. 1415-yilning 6-iyulida Yan Gus Konstants maydonlaridan birida olovda kuydirildi. Chexiya xalqi 6 iyul kunini o’z milliy qahramonlari ―Yan Gus xotirasi kuni‖ deb esga olishadi.