1-Mavzu: XI xv asrlarda Angliya Mustahkamlash uchun savollar

7. XII—XIII asrlarda Germaniya har qalay tarqoq feodal mamlakat bo’lib qolmoqda edi. Gertsogliklar ham boshqa dunyoviy va ruhoniy knyazliklar soni ko’paymoqda edi. Imperator boshqa yirik feodallar orasida syuzeren, ya'ni oliy senor bo’lib qolmoqda edi. Yirik feodallar bu vaqtda uzil-kesil voris territorial knyazlarga aylanib bormokda edilar. Mahalliy tovar aloqalarining rivojlanishi ularning mahalliy hokimi sifatidagi rolini kuchaytirardi. Markaziy qirollik-imperatorlik hokimiyati esa shaharlar bilan zaif bog’langan edi. Fransiya va Angliyada shaharlarning qirol hokimiyati bilan siyosiy ittifoqi bor edi. Germaniyada esa shaharlarning qirol hokimiyati bilan bunday siyosiy ittifoqi yuzaga kelmadi. Germaniya qirollari, jumladan, shaharlarning mahalliy feodallarga qarshi olib borgan kurashida shaharlarga biror-bir jiddiy ko’mak berganlari yo’q. Qisman bunga sabab shuki, nemis shaharlari siyosiy sahnaga keyinroq kelib chiqdi. Bir qancha hollarda ichki savdoga nisbatan tashqi, qisman tranzit savdo-sotiqning ustunligi ham bu yerda ma'lum ahamiyat kasb etdi. Ammo Germaniya qirol hokimiyatining shaharlar bilan ittifoqining yo’qligiga asosiy sabab — German imperatorlarining agressiv tashqi siyosat olib borishlari edi. Italiyadagi urushlar, boy italyan shaharlarining ekspluatatsiya qilinishi, «dunyoga hokim bo’lish» planlari, Sharqiy Yevropadagi va Yaqin Sharqdagi bosqinchiliklar — hammasi qirollar-imperatorlarni Germaniyadagi ichki siyosat vazifalaridan chetga chalg’itib, ularni nemis shaharlari takdiriga befarq karaydigan qilib qo’ydi. Ayni vaqtda tugalmas urushlar imperatorlarni yirik feodallarga (knyaz va ritsarlarga) butkul qaram qilib qo’ydi. Chunki imperatorning g’arbiy resurslari shu yirik feodallarning o’z gardanlaridagi vassallik majburiyatlarini bajarishlariga butunlay bog’liq edi. Shtaufenlar uchinchi german sulolasining tarixi (1138—1254 yillar) german imperatorlari yuritgan tashqi bosqinchilik siyosati Germaniyaning ichki siyosati bobida naqadar halokatli oqibatlarga olib kelganligini ayniqsa yaqqol ko’rsatib beradi.