1-мавзу: “Типология ҳақида умумий маълумот”

§ 1. Асос морфеманинг фонологик структураси ҳақида 
Асос морфемалар сўзнинг маъносига кўра 3 гуруҳга бўлинади: 1)предмет 
номлари ёки статик белгини ифодаловчи асос морфемалар; 2) феълни, яъни 
ҳаракатни ифодаловчи – динамик белгига эга бўлган асос морфемалар; 3) 
гапда сўзларнинг грамматик муносабатига хизмат қилувчи ёрдамчи 
маънодаги асос морфемалар.
Биринчи ва иккинчи гуруҳлардаги сўзлар (исм-ўзаклар ва феъл-ўзаклар)
сўз ясовчи аффикслар системасига кўра бир-биридан фарқ қилади. Учинчи 
гуруҳ асослар – ёрдамчи сўзлар эса сўз ясалиш системасига эга эмас. 
Сўз ясовчи аффикслар икки катта гуруҳга бўлинади: 1) сўз ясалишидаги 
лексик-грамматик аффикслар; 2) сўз ясалишидаги функционал-грамматик 
аффикслар. 
Статистик жиҳатдан олиб қаралганда, туркий тилларда асос морфеманинг 
энг кўп тарқалган типи СГС (С-ундош, Г-унли). Бошқа типлар ҳам учрайди: 
Г, СГ, ГС, ГСС, СГСС. Асос морфемалардаги фонетик редукция даражасини 
ҳисобга олганда, асос морфеманинг фонологик структураси қуйидагича 
бўлади: СГС + СГС +(С)ГС + СГ(С) +(С)Г(С) + ... 
“Древнетюркий словарь”даги асос морфемалар структурасини статистик 
методда ўрганиш қуйидаги натижани берган:
СГС-76,3 %; (С)ГСС-2,0 %;
(С)ГС-15,1 %; СГ(С)-2,5 %; 
СГСС-3,6 % ; (С)Г(С)- 0,5 %.
Ҳозирги замон туркий тиллари, масалан, қозоқ тили билан қиёслаганда 
ҳам юқоридагига яқин хулоса олинган: 
СГС – 78,1 %; СГСС – 1,3 %; 
(С)ГС – 17,0 %; СГ(С) – 1,8%; 
СГСС – 1,8%; (С)Г(С) – 0,4%. 

---

 40 
СГС типидаги асос морфемалар чуваш тилида 94%, корейс тилида 77% 
ни ташкил этади. (Баскаков Н.А. Историко-типологическая морфология 
тюркских языков. М., 1979). 
(С)Г(С) типидаги асос морфемалар кейин пайдо бўлган ва қуйидаги типга 
алоқадор бўлади: (С)ГС < СГС. 
СГ(С) типидаги асос морфема ҳам СГС типидан ўсиб чиққан. 
Асос морфемалардаги Г ва СГ типлари қадимги туркий тилда ҳам мавжуд 
бўлиб, охири ундош билан туговчи фонетик тўлиқ вариантларга бориб 
тақалади: 
Г<ГС ва СГ<СГС. 
(С)ГС<СГС типи сўз бошидаги w,j,h ундошлари билан боғлиқ. 
СГСС ва (С)ГСС<СГС+С ва (С)ГС+С асос морфема типлари ҳам мавжуд.