1-Мавзу: Технология фанини ўқитиш методикаси фани ва унинг вазифаси. Режа

Ўқув матерали мазмунини асослаш.
Педагогика курсидан маьлумки, ўқув предметининг мазмунини ишлаб 
чиқиш учун, тегишли фан ёки техника тармоғидаги мавжуд маьлумотлардан 
ўқув материалини танлаб олиш, бу материални ўқувчиларнинг ёш 
хусусиятларини, уларнинг бошқа фанларга оид билимларини хисобга олган 
холда маьлум тартибда тизимга солиш зарур. 
Фаолиятнинг исталган сохасида инсоният томонидан тўпланган 
билимлар хажми бенихоя катта, устахоналарда ўтказиладиган 
машғулотларнинг асосий бўлимлари металл ва ёғочга ишлов бериш 
технологияси, газламага ишлов бериш технологияси ва пазандачилик асослари 
бўйича зарурий материалларни ўқувчиларнинг ёшларини хисобга олган холда 
танланиши зарур. Хар бир танланган ўқув материали мазмуни хаёт билан 
боғланмоғи зарур. 

Таьлим жараёнини ташкил этиш:
Таьлим жараёни ўзаро чамбарчас боғланган ўқитиш ва таьлим олишдан 
иборатдир.Ўқув жараёнини ташкил этишнинг усулларини ишлаб чиқишда 
технология фанини ўқитиш методикаси бошқа ўқув фанларини ўқитиш 
тажрибасидан, дидактик тадқиқотлар маьлумотларидан фойдаланади. Шу 
билан бирга кўп масалаларни технология фанини ўқитиш методикасининг ўзи 
мустақил хал қилишига тўғри келади. 

Синфдан ва мактабдан ташқари ишлар мазмуни ва методикасини 
асослаш. 
Умумтаьлим мактабларининг барчасида технология фани бўйича 
мактабдан ва синфдан ташқари ишлар кенг тарқалган. Деярли барча 
мактабларда технология фанига оид тўгараклар ( ёш дурадгор, ёш чилангар, 
бичиш ва тикиш тўгараги, мохир пазанда тўгараги ва мохир қўллар тўгараги ) 
ташкил этилган. Барча тўгаракларни ўтказишдан мақсад ўқувчиларни назарий 
билимларини амалиётда қўллай олишга ўргатиш. Шу билан бирга тўгаракда 
бажарилган ишлар натижаси илмий тадқиқотликка йўналтирилган (янгилик 
яратишга) бўлиши зарур. Бу эса умум таьлим мактабларида ўтиладиган 
технология фани олдига юксак вазифаларни қўяди. 
3.