1-мавзу: таълимда менежмент психологияси фанининг предмети менежмент фани предмети ва вазифалари

Кадрлар малакасини ошириш ва уларни қайта тайёрлаш (16-модда) – касб билимлари ва кўникмаларини чуқурлаштириш ҳамда янгилашни таъминлайди. Кадрлар малакасини ошириш ва уларни қайта тайёрлаш тартиби Ўзбекистон Республикаси Вазирлар Маҳкамаси томонидан белгиланади.
Хорижий мамлакатларда ҳам таълимга оид конституциявий нормалар мустаҳкамланган. Масалан, АҚШ Конституцияга мувофиқ, таълим соҳаси, шу жумладан, олий таълим ҳам федерал ҳукумат эмас, балки штатлар бошқарув органлари ваколатига киритилган.
1917 йилда таълим олишга бўлган ҳуқуқни конституция даражасида мустаҳкамлаган биринчи давлат Мексика бўлди. Унда хусусан, барча учун бошланғич таълимнинг бепул бўлиши тизими жорий этилиши белгиланган.
Франция Конституцияси преамбуласида барча даражадаги жамоатчилик бепул ва дунёвий таълимни ташкил этиш давлатнинг бурчи ҳисобланиши белгиланди.
Япония Конституцияси 26-моддасида барча ўз қобилиятига мувофиқ ҳолда қонунда белгиланган тартибда таълим олишда тенг ҳуқуқларга эга деб белгиланган.
Испания Конституцияси 27-моддасига кўра, барча фуқаролар таълим олиш ҳуқуқига эга. Университетлар автономия ҳуқуқидан фойдаланадилар. Давлат ҳокимияти ота-оналарнинг ўз болаларига уларнинг диний ва ахлоқий ишончига мос келадиган таълимни бериш ҳуқуқларини кафолатлайди.
Италия Конституцияси 33-34-моддасига биноан, мактаб барча учун очиқдир. Лойиқ ва қобилиятли ўқувчилар гарчанд, улар тегишли маблағдан маҳрум бўлсаларда, мактабнинг юқори даражаларига ўтиш ҳуқуқига эгадирлар. Республика таълим масалалари бўйича умумий нормалар ўрнатади ва барча даражадаги ҳамда турдаги давлат мактабларини таъсис этади. Хусусий ташкилот ва шахслар давлат ҳисобидан молиялаштирилмайдиган мактаблар ва таълим институтларини таъсис этиш ҳуқуқига эга. Давлат таълим муассасалари билан тенглашишни талаб қилувчи нодавлат мактабларнинг ҳуқуқ ва мажбуриятларини белгилашда қонун уларнинг тўлиқ эркинлигини, уларнинг тарбияланувчилари учун эса, - давлат мактаблари билан бир хилдаги мактаб тартибини таъминлаши лозим. Турли даражадаги ва турдаги мактабларга қабул учун, уларни тамомлаш ва касбий фаолиятга йўлланма олиш учун давлат имтиҳонлари белгиланади.