1-Mavzu. Sport o‘yinlari, musobaqalar va tadbirlar tarixi. Bayram haqida tushuncha. Reja: 1

6
 Asqarov A. O‘zbek milliy kurashining arxeologik materiallarda aks etishi // Markaziy Osiyoda an’anaviy va 
zamonaviy etnomadaniy jarayonlar. 2-qism. - Toshkent, 2005. - B.3-4. 

---

obodonlashtirildi. O‘yingoh va unga tutash inshootlar ta’mirlanib, bayramona 
ko‘rinish kasb etdi. Sport bayrami uchun maxsus liboslar, taklifnomalar, ko‘krak 
nishonlari, dekoratsiyalar, bayram dasturi tayyorlandi. Mannon Uyg‘ur nomidagi 
viloyat drama teatri jamoasi tomonidan mazkur sport bayramining ochilishi 
tantanalari uchun katta tomosha dasturi tayyorlanib namoyish etildi. 
Xalqaro musobaqaning ochilish marosimi tantanali tusda boshlandi. 
Bahodirlik va ulug‘vorlikni tarannum etuvchi milliy kuy-qo‘shiqlar fonida 
polvonlar davraga kirib keldilar. O‘zbekiston Respublikasi birinchi Prezidenti 
I.Karimovning musobaqa qatnashchilari va mehmonlarga yo‘llagan tabrigi o‘qib 
eshittirildi. So‘ngra jamoalarning sardorlari musobaqa bayrog‘ini ko‘tardilar. 
Viloyat va respublika televideniyesi musobaqaning ochilishi to‘g‘risidagi 
ko‘rsatuvlarni keng ommaga namoyish etdi. Shu tariqa milliy kurash bo‘yicha 
mamlakat birinchiligi va ko‘plab xalqaro musobaqalar o‘tkazib kelinmoqda. Bu 
sport bayramlari orasida O‘zbekiston Respublikasi Prezidenti sovrini uchun 
o‘tkaziladigan an’anaviy kurash musobaqasi alohida o‘rin tutadi. 
Umuman, bizning obod va erkin mamlakatimizda har yili ko‘plab sport 
bayramlari o‘tkazilishi an’anaga aylangan. Shu bois, ommaviy bayramlarni tashkil 
etish va o‘tkazish uchun yetuk rejissyor kadrlami tarbiyalab voyaga yetkazishda 
sport bayramlariga ixtisoslashgan mutaxassislarni o‘qitishga alohida e’tibor 
qaratish juda zarurdir. Binobarin, birinchi galda o‘yingohlar o‘zining tuzilishi, 
shakli va texnik jihozlanishi jihatidan sayilgoh, amfiteatr yoki tomosha 
maydonlaridan farqlanib turganligi bois, rejissyorlar uchun ssenariyning o‘ziga xos 
talqinlarini yaratish vazifasini kun tartibiga qo‘ydi. Qolaversa, sport musobaqalari 
bilan aloqador teatrlashgan maydon tomoshasi ham mazmunan sport bilan bevosita 
aloqador bo‘lishi va musobaqalar mohiyatini o‘zida mujassamlashtirgan bo‘lishi 
talab etilar edi. Ommaviy badiiy-sport tomoshalari teatrlashgan maydon tomoshasi 
san’atining nisbatan yosh janrlaridan biri hisoblanadi. Bu yo‘nalish sport 
bayramlarini tashkil qilish, sport turlariga aloqador shou-biznesni yo‘lga qo‘yish, 
yoshlar sport festivallarini o‘tkazishda muhim amaliy ahamiyatga ega. Ommaviy 
badiiy-sport tomoshasi shunchaki keng qamrovli madaniy tadbir emas, balki 
g‘oyatda katta ko‘lamdagi tashkiliy-tayyorgarlik ishlarini talab qiladigan hodisadir.